Macronen potreta “lapurtzea” zilegi jota, epaileak aske utzi ditu ANV-COP21 kolektiboko bi kide
Frantziako presidentearen argazkia taldean lapurtzeagatik auzipetutako bi kide epailearen aurretik pasa dira. Epaileak aske utzi ditu, iritzita ekintza interes orokorrekoa eta “zilegi” den arrazoi batengatik burutu dela.
33 eta 35 urteko ANV-COP21 kolektiboko kide bik epaiketa izan dute, iragan otsailaren 21ean Lyoneko (Frantzia) 2. auzotik Emmanuel Macron Frantziako presidentearen erretratua erretiratzeagatik. Taldean lapurreta egitea leporatzen zitzaien. Lyoneko Zigor-arloko Epaitegiak, baina, aske utzi ditu, epailearen arabera ekintza interes orokorrekoa eta zilegia den arrazoi batengatik burutua izan zelako.
Klima aldaketa egiaztatua dagoela eta jendartearen etorkizuna larriki kaltetzen duela adierazi du epaileak. Frantziako Estatua “nazioarte zein nazio barne mailan konprometitu da (…) baina defentsak aurkeztutako dokumentuek erakusten dute helburuak ez direla ari betetzen”, gehitu du.
ANV-COP21 kolektiboak, Bizi! mugimenduarekin batera, herriko etxe ugaritatik Macronen hainbat erretratu erretiratu ditu azken hilabeteetan: otsailetik hona 130 erretratu batu dituzte. Ekintzaren helburua ondokoa da: salatzea Macron ez dela ari betetzen ingurumena zaindu eta klima aldaketa geratu asmoz hartutako konpromisoak.
Mugimendu altermundistako kideek jakinarazi dutenez, Macron hartutako konpromisoekin koherenteak diren politikak bultzatzen hasten denean itzuliko dituzte erretratuak.
Bizi mugimenduak “lehen garaipentzat” jo du epaia, eta fiskaltzak helegitea jarri badezake ere, “klimaren aldeko mugimenduarentzat garaipen handia” dela adierazi dut. Ildo berean, Europe Ecologie Les Verts frantziako alderdi ekologistako bozeramailearen hitzetan epailearen erabakia “garaipen sinboliko oso garrantzitsua” da.
Frantziako Ingurumen Kodearen L228-2 artikuluak dio hiribideen berritze orok bizikletaz ibiltzeko antolaketak barnebildu behar dituela. Betebehar hori betetzen ez duten Herriko Etxeak identifikatzeko deia luzatu die Bizi talde ekologistak herritarrei.
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Metamorfosia ekologiko eta soziala bultzatzen duten alternatiben erakusleiho bat Baionan. Euskal Herria "burujabe, solidario eta iraunkorraren" aldeko ekimena ospatu du Bizi mugimendu ekologistak asteburuan, Lapurdiko hiriburuan. Parte hartze kopuruak antolatzaileek... [+]
Euskal Herria Burujabe "festa herrikoi eta ekintzailea" antolatzen ibili da Bizi! mugimendu ekologista, lurralde "jasangarri, solidario eta burujabea" osatzen duten alternatiben ezagutzeko asmoz.
2013ko Alternatiba Egunetik hamar urtera, 10.000 pertsona bildu nahi ditu Bizi mugimendu ekologistak bi egunez Baionan. ‘Euskal Herria Burujabe’ topaketak antolatu ditu urriaren 7tik 8ra, lurralde iraunkor, solidario eta burujabe baten aldarrikatzeko.
Datozen urriaren 7an eta 8an, eta Alternatiba 2013tik 10 urtera, Bizi! mugimenduak jai eta aldarrikapen giroko hitzordu herrikoi handi bat antolatu du Baionan. Helburua da Euskal Herriko metamorfosi ekologiko eta sozialerantz aro kolektibo berri bat sustatzea.
Inork oraindik Vincenzo Vecchi zein den ez badaki, has dadila bere izena ikasten. Ez da mende hasierako anti-globalizazio manifestazioetan ibilitako aktibista soila. Hamabi urtetik hona Bretainian aterpetua, italiar justiziak estraditatu egin nahi du Mussoliniren garaiko lege... [+]
AHTren proiektua herriaren borondatearen aurka "inposatzen" ari direla salatzeko, Bizi mugimenduko ekintzaileek bi pankarta zintzilikatu dituzte Pirinio Atlantikoetako Departamentuaren Kontseiluak Baionan duen egoitzatik.
Bizi mugimenduak segitzen du klima aldaketaren deiadarra jotzen eta bi ekimen abiatu ditu aste honetan. Alde batetik, hautetsiendako formakuntza proposatu du, azaro arte luzatuko dena eta, eta bestaldetik 'Txirrindiraultza' prestatua du iganderako Donibane Lohitzunen.
Jabetuko zinen, irakurle, opor aurreko azken astekarian ohar berezia zekarrela Net Hurbilek, testuaren amaieran. Pello Zubiria Kaminok sail horretako artikuluak idazteari utziko dio: “Lankide gazteago eta indartsuagoei heldu zaie txanda”, dio kazetari beteranoak... [+]
Walden Bello Filipinetako idazle, ikerlari eta antiglobalizazio aktibista ezaguna abuztuaren 8an atxilotu zuten; abuztuaren 9an fidantzapean atera zuten kartzelatik behin behinean. Focus on the Global South Gobernuz Kanpoko Erakundearen zuzendari exekutiboa da Bello, besteak... [+]
Ezpeletako gazteluko harresien inaugurazioan izan da Total energia enpresako Patrick Pouyanné zuzendaria. Ekitaldian protesta egin du Bizi! mugimenduak, enpresak larrialdi klimatikoan duen ardura salatzeko.
Klima aldaketaren eraginaz eta erabakiak hartzen dituztenak presionatzeko mobilizazio ereduez, etxebizitzaren krisiaz, justizia sozialaz eta etorkizun jasangarri baterako alternatibez ikasteko eta eztabaidatzeko kanpalekua antolatu dute Alda eta Bizi! kolektiboek.