M8: Irakasleek asanbladan aztertutako gaiak lanuzteaz erabakitzeko

  • M8ko Greba ez da gainerakoak bezalakoa, eta ikastetxeek nola erantzun erabakitzerakoan, irakasleen artean hainbat gai mahai-gaineratu ditu. Hona Oarsoaldeko DBHko ikastetxe publiko batean irakasleek egindako prozesua, adibide modura.

Estitxu Eizagirre @eeizagirre
2018ko martxoaren 07a

Nagore Olaskoaga eta Maider Sanz irakasleek kontatu digute nola egin duten lanketa. Nabarmendu dute greba guztietan asanbladan erabakitzen dutela irakasleek zer egingo duten, eta hortik aurrera, desbinkulatzeko aukera duela bakoitzak. Asanbladetan bozkatzea ez omen da ikastetxeetako joera zabalduena. Zenbat orduz egin lanuztea asanbladan erabakiko dute, baina greba eguna iritsi denean ere irakasleek ez dakite administrazioak zer irizpide erabiliko duen soldatatik egun horretako lanuztea kentzeko, alegia, ordu bat edo lau orduz geldialdia eginda, dirutan berdin izango den edo ez.

Bi irakasleek aitortu dute martxoaren 14-15erako espero diren hezkuntzako grebek ere eragin dutela M8ko greba lantzerakoan.

Deialdiak zer dio? Egun osorako edo ordu batzutarako lanuztea?

Deialdia ez omen da ohikoa izan. Sindikatuen bidez iristen zaizkie greba deialdiak, eta oraingoan, CNT eta CGTn egun osoko greba deialdia egin dute, aldiz, ELA, LAB, ESK, Steilas, EHNE Bizkaia eta Hiru sindikatuek, goizeko eta arratsaldeko ordu batzuetarako lanuztera dei egin dute, eta gainera sindikatu bakoitzak ordutegi ezberdinetan.

Irakasleen asanbladan oso presente egon da M8ko Grebaren jatorrizko deitzailea Mugimendu Feminista dela, eta honek egun osoko greba egitea duela amets. Horregatik, irakasleen artean dilema hori egon da, zergatik ez egin egun osoko greba, gainerako gaiekin egiten den moduan.

Eta onerako zein txarrerako, planteamendua egitea eta erabakitzea oso irekita izan du ikastetxe bakoitzak, ez dute eredu argirik izan.

Gizon irakasleek zer egin?

Emakumeek lanuztea egitea (ordu batzuk edo egun osoz, azken unera arte eztabaidagai izanik), eta gizon irakasleek hauen hutsunea betetzea, hori izan da irakasle asanbladaren planteamentua. Alegia, ikastetxea zabalik izatea, ikasleak normaltasunez joango direla bermatzea eta emakumeek planto egingo duten ordu horietan parekidetasuna lantzea gizonezko irakasleek ikasleekin. Horretarako materiala bildu dute eta STEILASek osatutakoa ere jaso dute.

Emakumeen hutsunea horrela hobeto ikusiko dela ikastetxean eta lanketa sakonagoa egingo dutela iritzi diote, ikastetxeak osotasunean lanuztea adierazi (gizonezko irakasleak ez daude, gainera, lanuztera deituak), gurasoei oharra bidali eta ahalik ikasle gutxien joanda baino.

Nola egiten da praktikan eskola orduei eusteko gehiengoa diren emakume irakaslerik gabe?

40 irakasle dira eta horietatik 29 emakumeak.

Bi ereduak aztertu dituzte. Batetik, irakasle emakumeek egun osoko lanuztea egingo balute, zenbat geletan egongo litzatekeen hutsunea. 6 gela dituzte lehen zikloan (alegia, DBH 1. eta 2. mailan) eta 6 ordu bakoitzak eman beharrekoak, beraz, 36 hutsune bete beharko lituzkete. Hutsune hauek betetzeko kontuan hartu dute egun horretan lan egitea dagokien gizon irakasleen ordutegia, eta ezinezko egin zaie 36 hutsuneei eustea.

Bestetik, egun erdiko greba egiteak ekarriko lituzkeen hutsuneekin ariketa bera egin dute, koadroa osatzea. 6 gela eta bakoitzak 3 ikastodu, 18 hutsune betetzea eskatzen du, eta hori bai, posible ikusi dute.

Planteamendu hau guztia egiteko kontuan hartu dute DBHko 3 eta 4. mailako ikasleak grebara egingo dutela egun osoz. Hala erabaki dute ikasleek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  M8 greba feminista

Hezkuntza kanaletik interesatuko zaizu...
Eskola segregazioaren aurkako herri ekimen legegileari ezetz esan dio Jaurlaritzak

Herritarrek Eusko Legebiltzarrera eramandako lege proposamenak 17.000 sinadura lortu ditu (10.000 da aurkeztu ahal izateko gutxienekoa) eta alderdi politiko gehienen babesa du: eskola segregazioa gainditzeko zortzi neurri zehazten ditu ekimenak, baina berau tramitatzearen aurka agertu da Eusko Jaurlaritza, eta beraz ziurrenik ez du aurrera egingo. Jaurlaritzak arrazoitu du Hezkuntza Lege berrian helduko diotela gaiari.


2018-09-19 | Ahotsa.info
Behin-behineko irakasleen prekarietatea salatu dute sindikatuek Nafarroako Hezkuntza Departamenduaren aurrean

Joan den astean N-121A errepidean istripuz hildako irakaslearen heriotza salatu dute sindikatuek, Nafarroako Hezkuntza Departamentuaren egoitzaren aurrean. Ostegunean gertatu zen ezbeharra, Ataungo 26 urteko emakume bat hil zen auto istripuz, Beran, lanera zihoala.


Mugikorra eskolan, zertarako?

Ez naiz ni debeku zalea, baina entzun diet ikastolen elkarteko eta eskola publikoko hainbat ordezkariri mugikorrak eskolan debekatu ordez haurrei sakelakoa egoki erabiltzen erakutsi behar zaiela, pedagogikoki tresna bikaina dela eta ikastetxe bakoitzak erabaki beharreko zerbait dela, eta galdera ugari geratu zaizkit airean.


Ghetto-ikastetxeen egunerokoa

Maila sozioekonomiko baxuko ikasleak ikastetxe jakinetan kontzentratzeko joera gero eta handiagoa da Euskal Herrian; datuek argi diote. Alegia, pobreak –horietako ugari ijitoak eta jatorri migratzailea dutenak– aparteko eskoletan pilatzen ditugula, horrek haientzat eta gainerakoentzat dituen ondorioekin. Zein da ikastetxe horietako errealitatea, zeintzuk eguneroko behar, aldarrikapen eta pozak?


2018-09-14 | ARGIA
Uriarte sailburua berriz agertu da Alarde diskriminatzailearen aldeko argazki batean

Cristina Uriarte Jaurlaritzako Hezkuntza sailburuak Alarde diskriminatzailea babestu zuen Hondarribiko Kale Nagusian irailaren 8an, zenbait ordu lehenago Jaizkibel Konpainiaren kontrako irainak, txistuak eta plastiko beltzak zabaldu zituzten leku berean, sare sozialetan zabaldu den argazki batek erakusten duenez.


Autoan lanera zihoan irakaslearen heriotzak, agerian utzi du interinitatearen "gaitz estrukturala"

Doneztebeko Mendaur institutura lanera zihoala, ostegun goizean autoan ezbeharra izan eta hil da 26 urteko emakume ataundarra N-121-A errepidean, Bera parean. Istripuan beste ibilgailu bateko lau pertsona arin zauritu dira.


5 urteetatik hasita, sexu heziketa derrigorrezko ikasgaia izango da Quebeceko eskoletan

Hastear den ikasturte honetan, derrigorrezko ikasgai berria emango dute Quebeceko ikastetxe publiko nahiz pribatu guztiek: sexu heziketa. Lore eta erleen metaforarik gabe, ugalketa prozesuaz zintzo hitz egingo diete 5 urteko haurrei, baita familia eredu anitzez edota bulba eta eskroto hitzen esanahiaz ere. Ikasgaiak jarraipena izango du derrigorrezko hezkuntzan, 16 urtera arte.


2018-09-09 | Adur Larrea
Ez hanka ez buru
Kasu ikastola kexu

2018-09-07 | Mikel Asurmendi
Larunbat honetan Pauen manifestazioa Seaskak deiturik

Iragan 4an, asteartez, bildu ziren Frantziako Estatuaren ordezkariak, Euskararen Erakunde Publikoa (EEP) eta Seaska. Ez zuten akordiorik lortu. Hezkuntza Nazionalak ez dio ikastolen elkarteari bost lanpostu baino gehiago onartu.


Eguneraketa berriak daude