Zelenski: "NATOn sartzearen inguruan, aspaldi hoztu nintzen; Donbassez eta Krimeaz eztabaida dezakegu"

Zuzeneko jarraipena
  • Zelenski Ukrainako presidenteak hainbat gairen inguruan hitz egin du ABC News AEBetako katearekin. Elkarrizketa honetan, presidenteak adierazi du Ukraina NATOn sartzearen ideia aspaldi utzi zuela atzean: "Ulertu genuen NATO ez zegoela prest Ukraina onartzeko. Aliantzak beldurra die gauza eztabaidatsuei, baita Errusiarekin  zuzeneko konfrontazio bat izateari ere".

    Bestalde, Zelenskik adierazi du prest dagoela Errusiarekin Donbassen eta Krimearen etorkizunari buruz eztabaidatzeko: "Lurralde hauek nola biziko diren eztabaidatu dezakegu, baita konpromiso batera iritsi ere".

    Lotura honetan atzo Ukrainako gerrak utzi zituen albiste nagusiak jarraitu ditzazkezu.

Zelenski, Ukrainako presidentea.
Bi milioiko langa gainditu du errefuxiatuen kopuruak

Ukrainako biztanleak herrialdea uzten ari dira, gerra atzean uzteko. Nazio Batuen Erakundearen arabera, II. Mundu Gerraz geroztik azkarren hazten ari den errefuxiatuen krisia da honakoa. Gaur bi milioiko langa gainditu du errefuxiatuen kopuruak, eta ondorengo herrialdeetara ari dira joaten, NBEaren arabera (martxoak 8, 10:30 GMT):

-Polonia: 1.204.403

-Hungaria: 191.348

-Eslovakia: 140.745

-Errusia: 99.300

-Moldavia: 82.762

-Errumania: 82.062

-Bielorrusia: 453

-Gainontzeko herriak: 210.239

Zentsura salatu du Donbassetik informatzen ari den kazetari batek

Anne-Laure Bonnel Frantziako kazetaria Donbassen harrapatu zuen Errusiaren inbasioak. Ordutik, besteak beste, Ukrainako gobernua eta miliziak egiten ari diren erasoen inguruan informatzen ari da kazetaria, eta Facebook eta Instagram sare sozialetan dituen kontuak blokeatzen saiatu direla salatu du.

Pairatzen ari den zentsura salatzeaz gain, Macron Ukrainako gatazkari buruz "gezurrak esaten ari dela" salatu du Bonnelek.

Hemen Anne-Laure Bonnelek plazaratu dituen hainbat gertakari:

Errusiako petroleioa eta gasa inportatzea debekatu dute AEBek eta Erresuma Batuak

Joe Biden AEBetako presidenteak adierazi du Errusiako petrolioa eta gasa inportatzea debekatuko dutela, eta Boris Johnson Erresuma Batuko presidenteak Bidenen politika jarraitu du, debeku bera ezarriz. Erabaki honekin, Errusiaren ardatz ekonomikoa jo nahi dute bi herrialdeek.

Europako gainontzeko herrialdeek ez dute erabaki bera, eta dirudienez, ez dute hartuko; izan ere, gogor joko luke erabaki horrek Europako ekonomian, nahiz eta gerraren kalte ekonomikoa nabaritzen ari den jada: gas naturalaren, argindarraren eta hidrokarburoen prezioak gehiengo historikoetan daude.

 

Gutxinaka bada ere, aurrera doa zibilen ebakuazioa

Azken hiru egunetan huts egin dute biztanleria zibila Ukrainako leku gatazkatsuenetatik ebakuatzeko operazioek; gaur ere su-etenak adostu eta korridore humanitarioak ireki dituzte, eta, dirudienez, errespetatzen ari dira oraingo honetan.

Sumi eta Irpin hirietako biztanle askok lortu dute bertatik alde egitea, baina Oleski Kulebak, Kiev eskualdeko gobernatzaileak, adierazi du ilunabarrean ebakuazioa geldituko dutela. Hala ere, Mariupoleko korridore humanitarioak beste behin huts egin du. Laugarren aldiz, Ukrainako gobernuak Errusiari bota dio errua, eta alderantziz. 

Zelenski: "NATOn sartzearen inguruan, aspaldi hoztu nintzen; Donbassen eta Krimearen etorkizunaren inguruan eztabaidatu dezakegu"

Zelenskik AEBetako ABC News hedabideari adierazi dio "aspaldi hoztu zela Ukraina NATOn sartzearen ideiarekin". Bestalde, Donbassen eta Krimearen etorkizunaren inguruan Errusiarekin eztabaidatzeko prest dagoela adierazi du: "Lurralde hauek nola biziko diren eztabaidatu dezakegu, baita konpromiso batzuetara heldu ere".

Esteka honetan irakurri dezakezu albiste osoa.

Ukrainako errefuxiatuen arreta, aterpea eta asiloa koordinatzeko zentroa ireki dute Nafarroan

Gatazkaren ondorioz Nafarroara iristen diren ukrainarren arreta koordinatzeko zentroa ireki du Iruñean Nafarroako Gobernuak. Asmoa da aterpearekin, asilo eskaerarekin eta dituzten gainerako premiekin laguntzea. “Nafarroak gure lurraldera datozen ukrainar guztiak hartuko ditu, kopurua edozein dela ere”, azpimarratu du Migrazio Politika kontseilariak.


Kanal honetatik interesatuko zaizu: Ukrainako gerra
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Babes gutxi jaso du NATOko tropak Ukrainara bidaltzeko Macronen planteamenduak

Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.


Zelenski: "Ukrainako 31.000 eta Errusiako 409.820 soldadu hil dira gerran”

Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.


Eguneraketa berriak daude