Errusiako Defentsa Ministroak adierazi du Ekialde Hurbileko 16.000 boluntario, Siriakoak batez ere, Donetskeko eta Luhanskeko miliziekin batera borrokatzeko prest daudela, eta Vladimir Putinek boluntario hauek frontera joatea baimendu du.

Errusiako Defentsa Ministerioak boluntario hauen irudiak zabaldu ditu:

?????? El Ministerio de Defensa ruso ha publicado imágenes de algunos de estos supuestos voluntarios sirios que estarían preparándose para ir a combatir a Ucrania. pic.twitter.com/tcU6FKDC0D

— Descifrando la Guerra (@descifraguerra) March 11, 2022

Iker Jimenezen En el Punto de Mira programan Jose Jimenez Planelles Operazio Instruktoreak hartu zuen parte bart gauean. Honek Espainiako Estatuak Ukrainari bidalitako armak erakutsi dizkio ikuslegoari, eta ondorengoa adierazi du instruktoreak: "Modu bakarrean naiz baikorra: errusiar gehiago hiltzen. Ukrainarrek errusiar gehiago hil behar dituzte, eta hau oso garrantzitsua da. Zutabe horrek desagertu egin behar du, eta Odessatik gertu dauden ontzi horiek sartzea itxaron behar dute, ondoren inguru guztia minatu eta haiekin akabatzeko. Hau da, errusiar gehiago hil behar dira, Ukrainako herriak negoziaketa on batera iristeko hori behar duelako".

Clar que sí. Entre això i la nova política de FB anem ben encarats. pic.twitter.com/0OZozE7xV1

— Pau Llonch Méndez (@paullonch) March 11, 2022

Herenegun, Errusiako armadak Mariupoleko ospitale bat bonbardatu zuen, eta Zelenskik eta mendebaldeko beste hainbat mandatarik "gerra krimena" leporatu zioten Putini. Hala ere, hainbat ahotsek diote Mariupoleko ospitalea otsailetik Azov Batalioiko soldaduek hartua zutela, eta eraikin militar funtzioa zuela.

Bestalde, bonbardaketaren ostean dauden argazki bakarrak Associated Presseko Yevgeny Maloletka argazkilariarenak dira, eta argazki batean dagoen emakume bat Marianna Podgorskaya modeloa dela baieztatu dute. Errusiak salatu du muntaia izan dela, eta gogorarazi du Azov Batalioia eraikin zibiletan ari dela sartzen, ondoren gerra krimenak salatzeko.

Azkenik, Errusiako Kanpo Harremanetako Ministroak, Sergei Lavrovek, prentsaurrekoan adierazi du martxoaren 7an Errusiak Nazio Batuen Erakundeari ohartarazi ziola Azov Batalioia eta bestelako talde nazionalistak ospitaleetan eta eskoletan sartzen ari zirela.

Errusiako Armada Ukrainako mendebaldeko hirietako posizio militarrei eraso egiten hasi da; orain arte herrialdearen hegoaldean eta ekialdean egin ditu operazioak, baina gaur Lutsk eta Ivano-Frankivsk hirietako posizio militarrei egin die eraso. Bestalde, Dnipro hiriko hainbat posizio ere bonbardatu ditu armada errusiarrak.

Massive blast as Russian missile strike hits Lutsk in northwest #Ukraine.

Lutsk’s military airfield & an aircraft repair plant capable of repairing MiG-29 engines were targeted.

A message to Poland, with Lutsk just 90km from its border, and a likely location for Polish MiG-29s. pic.twitter.com/vYxJgyBulL

— H. Sumeri (@IraqiSecurity) March 11, 2022

Frantziako LCI telebista katearekin hitz egin du Josep Borrellek, Europako goi kargudunak, eta, besteak beste," Errusiaren eta Mendebaldearen arteko gerturatzea kaltetu duten akats batzuk" egin dituztela onartzeko prest dagoela adierazi du.

Hala ere, Slobodan Milosevicekin alderatu du Borrellek Putin, eta Hagako Nazioarteko Justizia Auzitegian epaitzea espero du: "Errusia bereizi gabe ari da bonbardatzen; Mariupolen gertatzen ari dena gerra krimena da, ziur asko".

Gaurkoan ere Ukrainako inbasioaren azken orduko albisteekin zuzeneko jarraipena egingo dugu.

Atzoko labiste garrantzitsuenak esteka honetan dituzue.