Lurrama azoka heldu da asteburuan, gai nagusi klima eta nekazaritza dituela
Azaroaren 8, 9 eta 10ean iraganen da Lurrama, Miarritzeko Irati erakustazokan. Duela 14 urte Euskal Herriko Laborantza Ganbarak sortua, nekazaritza herrikoiaren erakuslehio izan nahi du. Urte guziz bezala, hiru egunez, besta giroan, Euskal Herriko iparraldeko laborantza eta elikadura izanen dira erdigunean. Etxe ekoizleen azoka, hitzaldiak, bazkari eta afariak, haurren xoko handi bat, lekuko kabale arrazen erakusketa eta beste hainbat gauza atzemanen dituzte bisitariek. Lurrama, baserri munduko jendea eta hiritarrak elkartuz, urtero 600 laguntzaileri esker antolatzen den ekitaldia da.
Klimaren erronka garrantzia handikoa gaur egun, etorkizuneko belaunaldien bizitza baldintzatzen duelako. Horregatik Lurramak Slow Food erakundearen "Klima, Bizia da" leloa bereganatu du 2019ko tematika eginez. Laborantza herrikoiak kliman, elikaduran eta osasunean dituen eragin baikorrak azaldu nahi ditugu eta argira eraman lekuan lekuko jokatuz, ikuspegi zabalago bat elikatzen dugula. Gaur egun, klima aldaketa gizartearen kezka nagusietariko bat delarik, parada dugu gai horren inguruan aditu ospetsuen errezibitzea.
Slow Food elkarteko lehendakari Piero Sardo eta IPCC klima aldaketari buruzko gobernu arteko taldeko ko-lehendakari den Valérie Masson Delmotte ikerlaria izanen dira edizio honetako gazaita eta gazama [aita-ponteko eta ama-pontekoa]. "Klima eta bioaniztasuna, gure elikadura jokoan?" izenburuarekin hitzaldi bat emanen digute, ostiralean, goizeko 11etan (itzulpena euskarara segurtatua).
Klima aldaketak eragin zuzenak ditu laborantzan, bai eta laborantza modeloek eragina klimarengan. Larunbatarekin, arratsaldeko 3 etan, Euskal Herriko bost etxaldek aurkeztuko dizkigute egunerokoan klimaren alde eramaiten dituzten lan moldeak. Salmenta zuzena, ekoizpenen aniztasuna, autonomia, lurraren lantzeko teknikak, mekanizazioaren mugatzea... Egiten direnak aintzinean emanez, inspirazio iturri izan daitezke beste etxaldeentzat. Hitzaldi hau euskaraz eta frantsesez emana izanen denetz, bi hizkuntzetan itzulpena segurtatua izanen da.
Laborantza eredua, elikadura burujabetza, klima aldaketaren erronka, publiko zabalari nahi dizkiogu gogoetakeragin. Haurrak, gazteak, biharko eta gaurko laborariak eta sukaldariak, herritarrak, eragileak, publiko bakotxarentzat dauzkagu hitzordu eta proposamenak.
Urtero eskualde bat gomitatua da Lurramarat, aurten Nafartarrak hiru egunez aintzinean emanak izanen dira. EHNE-Nafarroa eta INTIArekin eskuz esku antolatu dugu aurtengo alea. Nafarroako laborariek etxe ekoizpenak salduko dituzte azokan, kabalen gunean, zonbait behor, behi eta ardi arraza izanen dira ikusgai, ostiraleko bazkari eta afarian Nafarroako ekoizpenak sukaldatuko dira eta dantzari eta musikari Nafartarrek giroa alaituko dute. Publikoari beti gustatzen zaio merkatuan ekoizpen berrien atxemaitea eta laborarientzat aberasgarria izaiten da elkarren arteko trukaketa eta ezagutzaren hobetzea.
Lurrama besta egiteko parada izaiten da jendearentzat eta gastonomia lekua ere.Hiru egunez lekuko eta kalitatezko ekoizpenekin sukaldatuak dira ostatuetan salgai diren guziak, bai eta ere bazkari eta afari tematikoak. Arno ostatua, garagardo ostatua, kontzertuak, besta ederra da Lurrama! Zuek ere etorri Euskal Herriko laborari eta herritarren arteko topagunerat!
Egitarau osoa eta informazio gehiago www.lurrama.org webgunean.
Irailaren 2an izango da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte.
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Biolur laborantza ekologikoaren aldeko elkarteak frutazaintza sustatu nahi du eta horretarako egun-pasa ederra antolatu du uztailaren 29rako; hiru proiektu ezagutuko dituzte bertatik bertara: Erroak mintegia Ahatsan (Nafarroa Beherea), Kibbi Sat Donezteben (Nafarroa) eta... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Laborantza herrikoia eta jasangarria bultzatzen duen azokak 20. urteurrena beteko du. Azaroaren 7tik 9ra antolatu duten erakusketa eta merkatuan parte hartzera dei egin du.
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Mandio eta kanpandorreetan hontz zuriaren ulu mikatza gero eta gutxiagotan entzuten dugu. Zer dela eta? Urbanismo basatiaren eta laborantza intentsiboaren ondorioz, bere habitata suntsitu dugu. Baina gaueko hegazti harrapari bitxia funtsezkoa zaigu, soroak osasuntsu mantentzen... [+]
Golde” hitza “kultura” hitzetik dator. Etimologialaria ez naizenez, ez naiz, badaezpada, bidezidor horretan barrenduko, edozein sastraka edo lahardiren (Rubus fruticosus) erdian itotzeko ere… Inor edo bestek argituko ote digu gakoa.
Maiatzaren 10ean Zestoako iraeta auzoan kokatuta dagoen amillubi proiektuan elkartu ziren elikadura burujabetzaren aldeko herritarrak eta laborariak. Udaberriko Festaren bigarren edizio honetan, goizean bi mahai-inguru antolatu zituzten eta entzulez bete zen amilibia baserri... [+]
Kapitalismoaren lekuan lekuko eta garaian garaiko egoerara moldatzeko gaitasuna harrigarria egiten zait batzuetan. Espero ez duzun tokian azaltzen dira antzekotasunak, eta hara non, bat-batean konturatzen zara munstroak Mallorcan hartzen duen itxura ez dagoela etxean bertan bizi... [+]