Errusiazaleek Luganskeko herri errepublika aldarrikatu dute Ukraina hego-ekialdean
Ukraina hego-ekialdeko Lugansk eskualdea herri errepublika izendatu dute indar errusiazaleek, aurrez Donetsk eta Jarkov eskualdeekin egin bezala.
Adierazi dute goi-kontseilu bat sortu eta hura arduratuko dela lurralde antolamenduari dagozkion kontu administratiboez, baita finantza eta inbertsio politikaz ere.
“Errepublikak eskubide berak aitortzen dizkie eskualdeko herritar guztiei, norberaren nazionalitate, egoera sozial edo jarrera politikoaz harago”, azaldu dute ekintzaileek.
Maiatzaren 11rako eskualdearen etorkizunari buruzko erreferenduma deitu dute: “Kieveko Gobernu ez-legitimoak bortxaz erantzuten badu, Errusiari eskatuko diogu indar bakegileak bidali ditzala”.
Ekintzaile errusiazaleek Donetsk-eko telebista hartu dute
Ehunka ekintzaile errusiazalek Donetskeko irrati-telebistaren egoitza hartu dute igandean, lekuko hedabideek jakinarazi dutenez. Iragarri dute Moskuk babestutako kate errusiar baten seinalea emititzen hastea dela haien asmoa.
Eskualde horretan ere maiatzaren 11n egingo dute Ukrainako Gobernuak legez kanpokotzat jo duen erreferenduma. Hain justu, galdeketaren aldeko mitin bat amaitzean okupatu zuten hedabidearen egoitza.
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.