Lointek Gernikako kirol arduraduna ikertzen ari dira, jokalari nerabe batek salatutako sexu-abusuengatik
1998 eta 2001 bitartean egindako “etengabeko” erasoak salatu ditu biktimak. Gernikako Sare Feministak saskibaloi klubaren “konplizitatea” salatzeko manifestazioa deitu du. Nerabeak 13 urte zituen lehen sexu-abusua gertatu zenean, eta erasotzaileak 31.
Gernikako KESB saskibaloi taldeko entrenatzaile izandako Mario Lopez ikertzen ari dira, klubeko jokalari zen nerabe bati hiru urtez sexu abusuak egiteagatik. El País hedabideak jakinarazi duenez, salaketaren arabera 1998ko uztailetik 2001era bitartean gertatu ziren erasoak. Lehen sexu-abusua gertatu zenean, biktimak 13 urte zituen, eta erasotzaileak 31. Horrez gain, neskak “etengabeko mehatxuak” eta “kontrola” ere salatu ditu. Lopez gaur egun ez da entrenatzailea, baina klubeko kirol arduraduna izan da igandean kargugabetu duten arte.
Iragan ekainean jarri zuen salaketa neskak, ia bi hamarkadaren ondoren. Bertan jasotzen da erasoak entrenatzailearen etxean hasi zirela partida bat ikusten zuten bitartean. Une hartan Lopez Emakumeen Ligako klubeko teknikoa zen. Hortik aurrera, errepikatu egin ziren, batez ere erasotzailearen etxean eta kirol-bidaiaren batean. “Sexu-askatasunaren aurkako atentatuak eta indarkeria fisikoko ekintzak izan ziren. Hori guztia, Lopezek adinagatik eta posizioagatik biktimarekiko duen nagusitasun-testuinguruan”, adierazi du abokatuak jarritako salaketak. Horren arabera, bortxatu eta felazioak egitera behartu zuen.
Espainiako Saskibaloi Federazioak erasoak gaitzetsi ditu. Halaber, adierazi du honen berri izan zuela urriaren 29an, klubaren aurkako salaketa jaso zuenean. Federazioak edozein lehiaketetan parte hartzea debekatu dio Lopezi, “behin betiko sententzia” atera arte. Gernika KESB klubak adierazi du halako kasuetako protokoloak betetzen dituela, eta Lopezengandik “bereizi” direla.
Hainbat eragile, kalera
Gernika-Lumoko Sare Feministak manifestazioa egingo du astelehenean 19:00etan. Taldeak saskibaloi klubaren “konplizitatea” salatu du. Sare Feministako kideek azaldu dutenez, kasuaren berri izan zutenean Lopez haurren campus bateko entrenatzaile zen, eta aurreikusita zegoen 2023-2024 denboraldian Ligako lehen taldeko entrenatzaile izatea. Uda hasieran klubari eskatu zioten entrenatzaile postutik kentzeko, eta klubak ezezkoa eman zien: "Esan ziguten bai Juntaren eta sponsorren partetik zein jokalarien partetik entrenatzaile gisa mantentzeko adostasuna zegoela eta horixe bera egingo zutela".
Bestalde, astelehenean 16:00etan, Allende Salazar eskolako zuzendaritzak eta guraso elkarteak protesta ekintza bat egingo dute ikastetxean, biktima eskolako ikasle izan baitzen.
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.
Hiru gizonetatik bi adin txikikoak dira eta epaitegian deklaratu dute. Hirugarrenaren bila ari dira.
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]