'Literatura-loturak' emanaldia Donostian, Booktegiren eskutik

  • Euskarazko liburuak interneten doan zabaltzeko proiektuak zuzeneko emanaldi literarioa antolatu du urriaren 9an, Donostiako Koldo Mitxelena Kulturgunean.


2017ko irailaren 28an - 12:47

Literaturaren esparruko hainbat sortzaileren lanak bertatik bertara ezagutzeko aukera eskainiko du Booktegik urriaren 9an, astelehenarekin. Donostiko Koldo Mitxelenan bederatzi lagun izango dira Literatura-loturak emanaldian: Ane Labaka, Antonio Casado de Rocha, Gari Berasaluze, Gonzalo Etxague, Harkaitz Cano, Mikel Martinez, Patxo Telleria eta Uxue Alberdi; moderatzaile lanetan Leire Palacios ariko da.

Antolatzaileek azaldu dutenez ipuinak, sonetoak, bakarrizketak eta bertsoak entzun ahal izango dituzte bertaratutakoek, besteak beste. Emanaldia arratsaldeko 19:00etan hasiko da.

"Guztion liburuak, guztiontzat", hori da Booktegi-ren leloa, euskarazko liburuak doan deskargatzeko plataforma. Mota guztietako liburuak aurki daitezke bertan, eta atariak jarritako baldintza irekiak betez gero, deskargatu eta zabaltzeko aukera dago.

Horrez gain, e-posta zerbitzua ere badute azken nobedadeen berri emateko, eta noizean behin idazleen eta sortzaileekin multimedia elkarrizketak plazaratzen dituzte.

 

 

 


Kanal honetatik interesatuko zaizu: Literatura
Uxue Alberdi. Hamarkada bi idazten (II)
Zer diosku kilkerrak belarrira?

Uxue Alberdiren ibilbide literarioa aztertu genuen aurreko artikuluan. Helduen prosazko literaturaz aritu ginen orduan, eta gaurkoan, liburu hibridoez arituko gara, album ilustratuez, bertso ilustratuez eta komikiez. Sarritan, helduak aurreiritziei emanda bizi gara eta, material... [+]


Gure ardura

Emazteen eskubideen aldeko egunaren bezperan idazten ari naizenez zutabe hau, zenbait gogoeta heldu zaizkit burura. Aitzinamendurik izan dela ez da dudarik (azkenetarik izan daiteke Frantziako Gobernuak abortua konstituzioan sarrarazteko erabakia), baina kezkatzekoa ere badugu,... [+]


Beñat Arrutik irabazi du Donostia Kultura VII. poesia lehiaketa

Balea Zuria argitaletxeak kaleratuko du, ekainean, Arrutiren estreinako literatur lana: Arkeologia haragitan.


Beldurra gogoko

Beldurrak airean
Aitor Arana
Ibaizabal, 2023

--------------------------------------------------

Zazpi ipuinek osatzen dute Aitor Aranak gazteentzako idatzi duen liburu hau. Ugaria eta ezaguna da Aranaren produkzioa; 125 liburutik gora idatzi ditu, horietako zenbait... [+]


2024-03-17 | Castillo Suárez
Autoatseginkeriaz

Yolanda Castañori Espainiako poesia sari nazionala jaso zuenez geroztik hamaika elkarrizketa egin dizkiote. Horietako baten lerroburua deigarria egin zitzaidan, esaten baitzuen saria irabaztea izan dela egin duen bigarren gauzarik zailena. Eta berehala hasi nintzen... [+]


Eguneraketa berriak daude