AEBek Libian Al Qaedako ustezko kide bat atzeman izanaren erantzun gisa, herrialdeko lehen ministro Ali Zeidan bahitu dute bart. Gaur goizean askatu dute estatuko informazio agentziaren arabera.
Tripoliko Corinthia hotelean atzeman zuten atzo lehen ministroa eta leku ezezagunera eraman, Russia Today webguneak segurtasun indarren iturriak aipatuz argitaratu duenez.
“Atxiloketa John Kerryren adierazpenen ondoren dator, esan baitzuen Libiako gobernuak bazuela Abu Anas al-Libi bahitzeko operazioaren berri”, esan du Libiako Iraultzaileen Operazio Aretoa izena den taldeko bozeramaile batek.
Talde horrek jakinarazi duenez, AEBen bahiketekin zerikusia duen jende gehiago jazarriko du.
Giroa asko ari da nahasten Libian azken egunetan. AEBetako marineek arrazoiak eman dituzte pentsatzeko atxiloketa selektiboez gain beste eskala bateko operazioak egiteko prestatzen ari direla, aste honetan bertan 200 soldadu Italiara mugituz.
Kalteturiko lurraldea hondamendi eremu izendatu dute. Gehien kaltetutako hiria Derna izan da, eta erreskate taldeek zailtasunak dituzte hara iristeko.
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
30 migratzaile desagertuta daude eta hamazazpi salbatu dituzte Libiako kostaldean, merkataritza ontzi bat migratzaileak erreskatatzera joan eta azken horien ontzia irauli ostean.
Asteazken goizaldean egindako erreskatearen ondotik, 28 pertsona daude Aita Mari ontzi barruan, atzo beste 11 pertsona erreskatatu baitzituzten. Aita Marik ohartarazi du posible dela datozen orduetan erreskate gehiago egotea, itsasoaren egoerak hobera egin baitu.
Mugarik Gabeko Medikuek salatu duenez Europar Batasunak daraman migratzaileen kontrako politikaren ondorioz dozenaka lagun hil dira azken egunetan Mediterraneo itsasoan. 2014tik 23.000 migratzaile hil dira Europa Mendebaldeko herrialdetara igaro nahian, erakundearen arabera.