LGTBIfobiaren aurka egingo dute ostiral arratsaldez manifestazio ugaritan
LGTBIfobiaren aurkako eguna da maiatzaren 17an eta arratsaldez mobilizazio ugari izango dira Euskal Herrian barrena. Albistearen bukaeran ematen dizuegu horietako batzuen berri.
Egun honen jatorria 1990eko maiatzaren 17an dago. Egun horretan Osasunerako Mundu Erakundeak gaixotasunen zerrendatik kendu zuen homosexualitatea. Eta duela hamarkada bat baino gehiago jada egun honetan salatzen da lesbianek, homosexualek, transexualek, intersexualek eta bisexualek egunerokoan pairatzen dituzten erasoak.
LGTBI komunitatean aitortzen dute azken urte luzeetan egin dituzten aurrerapenak eta gaur egun haien komunitatea iraganean baino hobeto bizi dela. Hala ere, ohartarazten dute haien aurkako delitu gorrotoak goraka doazela, lehenik jarrera edo ahotsezkoak, edo ondoren eraso fisikoetaraino.
Nafarroan, esaterako, 2022ko abuztutik 2023ko uztaileraino horietako 34 erasoren salaketa izan zen. Datuen arabera, ematen diren lau gorroto delituzko erasoetatik bat LGTBIren komunitatearen aurkakoa da. Edozein kasutan, ikerketen esanetan, eraso horietako 10etik 2 besterik ez dira salatzen, gainerakoak isilpean edo eremu pribatuan geratzen dira.
Iruñeko Udaleko LGTBIfobiaren aurkako Behatokia da bilketa horiez arduratzen den erakundeetako bat, eta azpimarratu dute gero eta garrantzitsuagoak direla erasoa jasan duten gertukoen edota herritarren salaketak, aurkeztutakoen erdia. Nafarroa mailako behatokirik ez dago, baina Kattalingune zerbitzuak bulegoak ditu Tafallan, Tuteran, Lizarran, Irurtzunen eta Iruñean.
Azpimarratzekoa da, halaber, eraso horietatik gero eta ugariagoak direla trans kolektiboak jasaten dituenak. Donostian, esaterako, 2022an hemezortzi eraso salatu ziren eta horietatik laurdena trans pertsonak jasan zituzten.
LGTBI kolektiboek garrantzi handia jartzen ari dira egunerokoan ematen diren ahozko eraso horietan, lagun artean, hedabideetan eta instituzioetan ere ikus daitezkeenak, horiek legitimatzen dituztelako ondoren kalean ematen diren erasoak. Horregatik, dei egiten diete herritarrei aurre egiteko jarrera horiei, bereziki gertu gertatzen direnei.
Egoera ikusarazi eta erasoak salatzeko mobilizazioak egingo dira Euskal Herriko hainbat lekutan. Hemen, esate batera, EHGAMek iragartzen dituenak:
Bilbo: 18:30ean Arriagan, E28 Koordinadorak deituta.
Durango: 19:00etan Andramarin, Kuir Eztandak deituta.
Gasteiz: 18:15ean Andra Mari Zurian, Miaukatuzek deituta.
Hernani: 19:30etan Plaza Berrian, Buruntzaldeko Transmaribibolloek deituta.
Leioa: 19:00etan Pirulian, Ukatu-k deituta.
Iruñea: 19:00etan Baratxurien plazan, E28 Plataformak deituta.
Oiartzun: 19:00etan Herriko plazan, Oarsoaldeko LGTBI+ Kuirdinadorak deituta.
Orio: 19:00etan Herrko plazan, Urola Kostako Transmaribolloek deituta.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]