ARGIA.eus

2020ko irailaren 22a

Nafarroako landa eremuan sexu aniztasunaz sentsibilizatzea du helburu Gobernuaren kanpaina berriak

  • Sexu aniztasunaren balioetan sentsibilizatu eta LGTBI+ pertsonak eta kolektiboak landa eremuetan "ikusarazteko", kanpaina jarri du abian Nafarroako Gobernuak. Irailean, ibilgailu batek Erdialdeko20 herri zeharkatuko ditu, Aniztasuna erein, askatasuna biltzeko lelopean.

ARGIA @argia
2020ko irailaren 01a
Programa ibiltariak, tresna eta material didaktikoak eta ikus-entzunezkoak jarriko ditu herritarren eskura / @igualdad_na

Nafarroako Berdintasun Institutuak (NABI) sustatutako egitasmoan, lekuan lekuko LGTBI+ kolektiboek hartuko dute parte, Nafarroako lehendakari Maria Chivitek jakinarazi duenez, Erriberrin eskainitako prentsaurrekoan. Besteren artean, Laiak Erdialdeko LGTBIQ+ kolektiboko ordezkari Carlos Montoya izan da bertan.

Halaber, Nafarroako Gobernuko LGTBI+ arreta-zerbitzuko (Kattalingune) ordezkariek informazioa eman eta herritarren zalantzak argituko dituzte.

Chiviteren hitzetan, egitasmo honek aldaketa soziala sustatu nahi du sentsibilizazioaren bitartez. LGTBI+ "aniztasunaren berdintasunean, errespetuan eta errekonozimenduan" oinarritzen dela gehitu du.“Nafarroako Gobernuak uste du sexu eta genero aniztasunarekiko errespetua balio eta aberastasun sozialeko elementu bat dela, herritar guztiei eragiten diena", esan du. "Lurralde-oreka kontuan izan behar dugu Nafarroa osoan, eta koordinazioa eta lankidetza landu behar ditugu toki-erakundeekin, haien udalerrietan LGTBI+ aniztasuna errealitate izan dadin eta LGTBI+ taldeak aldaketa sozial hori errealitate bilakatzeko motore izan daitezen”.

Gaur, irailak 1, Kasedan izango da ibilgailua, 2an Berbintzanan, 3an Melidan, eta 4an Oibarren.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: LGTB mugimendua  |  Nafarroa  |  Nafarroako Gobernua

LGTB mugimendua kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude