Lesakako Laminaciones enpresan amiantoagatik hil zen langile baten familiari kalte-ordaina emango diote
Lesakako Laminaciones enpresan amiantoarekin jardun zuen langile baten familiari kalte-ordaina ordaindu dio enpresaren ondorengoetako batek. Horrelako zerbait lortu duen lehenbiziko kasua da Nafarroako lantegi horretan.
Lesakako Laminaciones enpresako –gaur egun ArcelorMittal– langile ohi bat hil zen 2016an amiantoarekiko esposizioak eragindako pleurako mesotelioma baten ondorioz. Laminaciones enpresaren ondorengoetako bat, Cofivacasa, akordio batera iritsi da familiarekin, eta horren bidez, kalte-ordainak eman dizkie hildako langilearen alargunari (133.000 euro) eta alabari (27.000 euro), asbestoak bakarrik eragiten duen minbiziagatik –mineral horren erabilera 2002tik debekatuta dago–.
LAB sindikatua aritu da familiari aholkularitza eskaintzen Zuzenki bulegoarekin batera, eta ArcelorMittali eskatu dio zehaztu ditzala Lesakako lantegian zein lekutan dagoen amiantoa, hura kentzeko. "Egin dezala mineral horren eraginpean neurri handiagoan edo txikiagoan egon diren langileen zerrenda, aktiboak zein erretiratuak izan, eta ezar dezala osasunaren prebentzio- eta zaintza-plan bat".
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.