Lemoizek linboan jarraitzen du

  • Ogasun Ministerioak dio ez dela inolako espedienterik tramitatzen ari zentral nuklearrak okupatzen dituen lursailak euskal erakundeen esku uzteko. Eguzki harrituta dago; kontuan izan behar da EAJk eta PPk 2017ko Aurrekontu Orokorrak adostu zituztenean, lursailon lagapena ere adostu zutela eta geroztik gai honek zeresan handia sortu duela.

Eguzki Talde Ekologista
2018ko urriaren 08a

Ogasun Ministerioak esan du gaur egun ez dela inolako espedienterik tramitatzen ari Lemoizko zentral nuklearrak okupatzen dituen lursailak euskal erakundeen esku uzteko. Honela erantzun dio Eguzkiren informazio-eskaerari. Izan ere, gai honen inguruan gardentasunik eza nabaria zela ikusita, talde ekologistak honetaz galdetu zion joan den ekainean, Madrilen gobernu berria zegoela aprobetxatuz.

Ministerioaren erantzunak harrituta utzi gaitu. Kontuan izan behar da Mariano Rajoyk eta Andoni Ortuzarrek, PPko eta EAJko buruek, hurrenez hurrez, 2017ko maiatzaren 3an Aurrekontu Orokorrak onartzeko akordio bat izenpetu zutela, eta akordio haren 6. puntuaren arabera, Espainiako Gobernuak Lemoizko zentralak okupatzen dituen lursailak “berehala” euskal erakundeen esku uzteko konpromisoa hartu zuela. Puntu hartan zehazten zen itsas jabari publikoan eraikitako espigoi edo kai-muturra lagapenaren barruan egongo zela eta lagapen-prozesua ere “berehala” hasiko zela.

Lemoizko hau akordio haren “sorpresetako” bat izan zen, herritarren artean horrela “saldu” zen eta Jaurlaritzak lursail horietarako nolako planak izango ote zituen ere espekulazio-iturri oparo bihurtu ziren. Harik eta, 2017ko azaroan, Ekonomia Garapeneko sailburu Arantxa Tapiak Lemoizen akuikultura-proiektu handi bat ezarri nahi zuela iragarri zuen arte.

Gardentasunik eza

Alabaina, denbora aurrera zihoan eta lagapena ez zen gauzatzen. El Mundok 2018ko apirilean argitaratutako albiste baten arabera, Ogasun Ministerioak Iberdrolarekin akordio bat egina zuen, eta, akordio haren arabera, konpainia elektrikoa Lemoizko lursailak natura aldetik lehengoratzeko erantzukizunetik libre geratzen zen. Hura bidegabekeria handia iruditu zitzaigun. Izan ere, Lemoizen edozer eginda ere, lehengoratze-lanak, ahal den neurrian bederen, nahitaez egin beharko dira, eta Iberdrolak ez du zertan libre geratu alor horretan izan ditzakeen erantzukizunetatik.

Informazioa sinesgarria zen, baina, egia esan, Eguzkik ezin izan zuen aurkitu ustezko akordio haren berri ematen zuen dokumentu publikorik. Gardentasunik eza begi-bistakoa zen. Horregatik, gobernu berria zegoela aprobetxatuz, Ministerioari informazio-eskaera egin genion ekainean.

Ministerioak erantzun du arestian esandakoa. Gaineratu du lagapena egin aurretik Trantsizio Ekologikoko Ministerioak lursailak zehatz-mehatz mugatu beharko lituzkeela eta itsas jabari publikoa babesteko eta erabiltzeko dagoeneko beharrezkoak ez direla deklaratu beharko lukeela. Gauzak horrela, Eguzkik Trantsizio Ekologikoko Ministerioari ere kontu hauen berri emateko eskatu dio.

Historiarekin bat datorren erabilera Lemoizentzat

Gainerakoan, Eguzkik jarraitzen du Lemoizentzat eskatzen historiarekin bat datorren erabilera. Horrek, zehatz-mehatz, zer esan nahi du? Ba, esan nahi du Basordako kala naturaren aldetik ahal den neurrian lehengoratu beharko litzatekeela (Iberdrolak eginkizizun horretan izan ditzakeen erantzukizunetatik salbuetsi gabe, jakina) eta bertan parke publiko bat egokitu, beharbada memoria-leku gisa. Eguzkik ez du beste erabilerarik baztertzen, baina betiere lehengoratzearekin eta erabilera publikoarekin bateragarri den heinean (Jaurlaritzak aurkeztu duen akuikultura-makroproiektua helburu horiekin bateragarria ote da?). Nolanahi ere, lursail horiei ematen zaien erabilera edozein dela, Eguzkik aholkatzen du erabakia aldebakarrekoa ez baizik eta ahal den adostasun sozialik zabalenaren ondorio izatea, memoriak horretarako ere balio beharko luke eta. Laburbilduz, historiarekin bat datorren erabilera eskatzen dugunean, honako hauek eskatzen ditugu: lehengoratzea, erabilera publikoa eta adostasuna. Esan gabe doa gardentasunik ezak ez duela bide horretan laguntzen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Lemoizko zentral nuklearra  |  Ekologismoa

Lemoizko zentral nuklearra kanaletik interesatuko zaizu...
2018-05-08 | Hiruka .eus
ETAri esker mezua Lemoizko zentral ondoan "nuklearrik gabeko herria erdiesteagatik"

ETAren disoluzio-komunikatua publiko egin eta ondoko egunetan erakunde armatu ohiari eskerrak emateko hainbat herritan zenbait pintaketa egin eta pankarta ipini dituzte hainbat ezezagunek.


2018-04-19 | Hiruka .eus
Iberdrolak Espainiako Gobernuagaz hitzartu ditu Lemoizko zentrala uzteko baldintzak

Mikel Otero EH Bilduko eusko legebiltzarkideak "eskandalagarritzat" jo du asteazkenean argitara atera den Iberdrolaren eta Espainiako Gobernuaren arteko akordioa; horren arabera, konpainia energetikoak ihes egingo dio Lemoizko zentral nuklearrak okupatzen dituen lurrak berreskuratzeko eta egokitzeko daukan "obligazioari".


2018-04-18 | Hiruka .eus
Lemoizko zentralaren ingurua berreskuratzeko, Iberdrolari inplikazioa eskatu dio EH Bilduk

EH Bilduk azpimarratu du Iberdrolak erantzukizuna daukala Lemoizko zentral nuklearra eta haren ingurua berreskuratu eta berregituratzeko kostuan. Bertan emandako prentsaurrekoan, Eusko Jaurlaritza, Bizkaiko Foru Aldundia eta Lemoizko Udala egiten dabiltzan hutsak salatu ditu koalizioak.


2017-11-30 | Andoni Mikelarena
Jaurlaritza Iberdrolarekin negoziatzen ari da Lemoizko zentral nuklearreko lurrak bere esku utzi ditzan

Lurrak kudeatzeko baimena uztailean amaitzen zaio Iberdrolari. Otsailerako lortu nahi ditu ordea lurrak Eusko Jaularitzak, bertan arrain haztegi bat jarri nahi du martxan.


2017-11-14 | Miren Osa Galdona
Lemoizko zentral nuklearrean arrain haztegi bat eraikitzea "kaltegarria" litzateke Equoren ustez

Eusko Jaurlaritzaren ekimenak ez du Equo Berdeak alderdia konbentzitu: pasa den astean jakinarazi zuten Lemoizko zentral nuklearra eraiki behar zen lurretan arrain haztegi bat jarri nahi dutela. Equoren arabera ondorio negatiboak gehiago dira positiboak baino, “bai ekonomikoki baita ekosistemaren dagokionez ere”.


2017-11-10 | Axier Lopez
Gladys del Estal ETAk hil zuela argitaratu du El Diario Vascok

Guardia Zibilak buruan tiro bat emanez hil zuen 23 urteko Gladys del Estal donostiarra 1979ko ekainean. Euskal Herrian Espainiako Gobernuak eraiki nahi zituen zentral nuklearren aurka Tuteran egindako protesta batean izan zen. Bada, atzo –azaroak 9–, Vocento taldeko egunkariak Lemoizko zentralaren inguruko erreportaje batean argutaratu du ETAk hil zuela Gladys del Estal.


2017-11-09 | Miren Osa Galdona
Arrain-haztegi bat eraiki nahi du Eusko Jaurlaritzak Lemoizko zentral nuklearrean

Lemoizko zentral nuklearraren eremuari behingoz aterabidea emateko proiektua aurkeztu du Eusko Jaurlaritzak: arrain-haztegi bat. Kapital pribatuz soilik egingo litzateke proiektua, eta 450 lanpostu sortzea aurreikusi du Lakuak. Lemoizko zentral nuklearra eraiki nahi zuten lurrak Iberdrolarenak dira, baina Arantxa Tapia Ekonomia Garapenerako sailburuak adierazi du lurrok Jaurlaritzarenak izango direla, “prezio sinboliko” baten truke.


2017-10-15 | Jabi Zabala
Juan Luis Olaran. Idazle baino lehen sukaldaria izandakoa
"Piratak itsasoan ibiltzen ziren antzina, gaur egun lehorrean geratzen dira"

Armintzan (Lemoiz, Bizkaia) 1945ean sortua, Juan Luis Olaran Sustatxa arrantzale, itsas gizon eta sukaldari izana da idazle baino lehen. Azkenaldion, erretiroa hartuta, hiru liburu idatzi ditu, tartean zentral nuklearraren inguruko El contubernio nuclear, Lemoiz, eta Izarra ontziaren afera kontatzen duen Izarra baltza, historia de un barco pirata aurkeztu berria. Afera biak bertatik bertara bizitzea tokatu zitzaion armintzarrari.


Azkenak
EGILEA
Eguneraketa berriak daude