Lemoak hartuko du 2019ko Gazte Topagunea
Apirilaren 19tik 22ra ospatuko da, Ernaik eta Aitzinak antolatutako Gazte Topagunea: “Badator 40 urte eder eta borrokalarien uzta bilduz, gazteria independentista, euskaldun, sozialista eta feministon topagune erraldoia”.
Lau egunez Lemoako herria “aldarri, borroka, kolore, bizipoz eta doinuz” beteko dutela adierazi dute gazte antolakundeetako kideek.
“Askatasun bulkadak independentziara!”, izango da Topagunearen leloa, azaldu dutenez, “gazteen garaia delako, bulkada berriena”. 40 urteotako borrokaren lekukoa jaso dutela adierazi dute eta herriarenganako konpromisoz, eskuzabaltasunez eta maitasunez Euskal Errepublikaren “zimenduak” eraikitzen ari direla: “Gazteok zerumuga argi daukagu eta hamaika esparrutan sumatzen da bizi-bizirik gaudela: mugimendu feministatik hasi eta euskalgintzara; prekarietatearen aurkako borroketatik hezkuntza propioaren aldeko dinamiketara; sexu askatasunaren aldeko borroketatik, preso, iheslari eta deportatu politikoen kaleratzera. Sormena lanabes, ehunka borroka elkarlotu eta elikatzen ditugu, aske izan nahi dugulako, bizirik dagoen Euskal Herri librean”.
Aurtengo Gazte Topagunea inoizko bereziena eta ahaztezinena izango dela ere aipatu dute, Gazte Topaguneak eskaintza anitz eta zabala izango duelako. Hitzaldiak, mahai inguruak, mintegiak, formakuntza tailerrak, kirola eta aisialdirako mugarik gabeko eskaintza prestatu dute. Horrez gain, Euskal Herriko nahiz nazioarteko musika talde desberdinek parte hartuko dute eta oraindik zabaldu ez dituzten beste hainbat kontu ere badituzte esku artean.
Berezitasun bezala, Gazte Topagunean Gazte Sortzaileen Plaza egongo da Topagunean, era askotariko diziplina kulturalei tokia uzten:, musikagintza,bertsolaritza, idazketa, marrazkigintza…. Erakusketa espazio, eztabaida gune eta hausnarketarako eremua sortzeko asmoa erakutsi dute, gazte desberdinen artean, Euskal Herria “kulturatik eraikitze bidean” pausuak emateko.
Bide batez, Ernaik eta Aitzinak gonbidapena luzatu nahi izan diete berrogei urte hauetan Euskal Herriaren “bidelagun” izan direnei eta aurrera begira bidean elkartuko direnei ere bai.
“Hau guztia ez da ezerezetik eraikitzen, ordea. Auzolana eta autogestioa izan dira eta dira gure borrokaren hauspo”, gehitu dute eta aurtengoan, lehen aldiz, auzolan egun bateratuak izango dituztela azaldu dute: “Gazte zein ez hain gazte, auzolanera batuz bulkadatxoa emateko gonbidapena irekita dago”.
Bonoak salgai daude Euskal Herriko eskualde guztietan eta informazio gehiago dago Gazte Topaguneko webgunean.
>>> Artikulu hau Topatu.eus webgunetik ekarri dugu gurera, CC-BY-SA lizentziari esker.
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.