Leku ‘kuttunak’
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota Elhuyarren bilatu nuen eta kutun gisa ageri zen. Baina ez, nik kuttun ahoskatu nahiago nuela pentsatu nuen. Leku berezi, miresgarri eta baketsu gisa imajinatzen baititut nire leku kuttunak, eta ez, ordea, leku kutunak. Akaso leku kutunak ez baitira hain kuttunak niretzat. Kuttuna: aspaldian entzun ez nuen hitza, hainbertze gustatzen zaidan eta aspaldian ahoskatu ez nuen hitza. Aspaldian bisitatu ez nuen leku kuttun hura bezala. Pentsatzen hasi nintzen zergatik hitz hura ez dudan hainbertze erabiltzen edo kanpotik jasotzen eta ondorio batera iritsi nintzen: ez da inon kabitzen. Ez da nire eguneroko esaldietan kabitzen, ez dago astirik hura ahoskatzeko.
Agian gure leku kuttun horiek maizago bisitatu beharko genituzke. Leku kuttun horietara joan, bizitza momentu batez eten, arnastu, lekuaz gozatu, eta egon. Bertan “denbora galtzen” ikasi
Kuttun hitza ahoskatzeko astirik ez dagoen bezala, ez dago ia astirik leku, objektu edota pertsona kuttunetan pentsatzeko. Betebehar anitz daude, agenda beterik dago eta kuttunak ez dira kabi. Hauxe baita gaur egungo autoestimurako eta ongizaterako esaldia: okupatu ezazu burua, geroz eta aktiboago bazaude eta geroz eta gauza gehiago egiten badituzu hobe sentituko zara.
Geroz eta estimulu gehiago jasotzen ditugu, sare sozialak horren adibide. Eta geroz eta gauza gehiago egin nahi ditugu, geroz eta helburu eta betebehar gehiago jartzen dizkiogu gure buruari esnatzen garenetik oheratzen garen arte. Eta oheratzen garenean etzi izango dugun azterketaren gaitegiarekin amesten ahal badugu hobe. Antsietateak jango gaitu azkenean, baina antsietatearen eta depresioaren aurka egiteko ere burua okupatzea eta distraitzea errezetatzen diogu geure buruari, horretan ez pentsatzeko asmoz. Baina hori bada arazoa? Burua okupatuta mantentzeko obsesioa bada sufrimenduaren eragilea?
Agian denbora gehiago atera beharko genuke kuttun hitza entzuteko eta ahoskatzeko. Agian gure leku kuttun horiek maizago bisitatu beharko genituzke. Leku kuttun horietara joan, bizitza momentu batez eten, arnastu, lekuaz gozatu, eta egon. Bertan “denbora galtzen” ikasi, bizitzaren torlojuak berriz ere martxan jartzeko. Eta indarrak aurkituz gero mundua kuttunago bihurtzea ere ez legoke gaizki. Baina horretarako indarrik aurkitu ezean, gure barne mundua kuttunago bihurtzearen aldeko apustua egin; leku kuttunetara gehiago joanez, pertsona kuttunekin gehiago geldituz eta objektu kuttunak gehiago miretsiz. Horrela, bizitza kuttunago bizituz.
Leire Mihura Habans
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Barau kolektiboak beti erdaraz izaten ziren, baraualdi bat euskara hutsean antolatzen hasi ginen arte. Irakurketa dramatizatuak taldean, abestu, dantzatu, arnasketa kontzientea, masaje trukaketa, Bergarako igerilekura jaistea, kanten liburuxka... eta pilota partiduak.
Aurten,... [+]
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]
Askotan hitz egin izaten da (dugu) banketxeen inguruan, kritika askoren jo-puntuan jarriz behin baino gehiagotan. Inor gutxi ezagutzen dut banketxeei buruz zerbait txarra esan ez duenik… baina, era berean, inor gutxi ezagutzen dut banketxeen zerbitzurik erabiltzen ez... [+]
Orain dela 39 urte Hego Euskal Herriak, Kataluniak eta Kanaria uharteek ezetz esan zioten NATOri; duela 36 urte lehenengo intsumisoek euren burua aurkeztu zuten Gobernu Militarretan. Garai hartan Gerra Hotzaren izua hedatuta zegoen, blokeen arteko gatazka, gerra nuklear baten... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Martxoaren 25ean Arabako Foru Aldundiak (AFA) eta Eusko Jaurlaritzak (EJ) prentsa-ohar bat atera zuten, hedabideetan nahiko zalaparta eragin zuena, Gobierno Vasco remite a la Ertzaintza dos piezas cerámicas del yacimiento de “Las Ermitas” por ver indicios de... [+]
Bai, eremu horren historia odoltsua da. Pena izan zen hainbeste jende hiltzea eta herri hori modu horretan kanporatua izatea, baina hainbestetan gertatu dira halakoak...! Gizakiok ez dugu erremediorik eta Historiak ez du atzera bueltarik. Egiten ari zirena gehiegizkoa zela... [+]
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]
Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]