Leioan zuen egoitza utzi behar izan du Artedrama antzerki plataformak, udalaren erabakiz

  • Sare sozialen bidez zabaldu duten gutun batekin esan dio agur Artedramak Leioari. 2012tik Bizkaiko herrian egoitza iraunkorra izan ondoren, udal-erabaki batek lekuz aldatzera derrigortu ditu.

Gorka Bereziartua Mitxelena @boligorria
2017ko urriaren 27a
Artedramako kideen artxiboko argazkia. Lipus lehenengoa da eskuinetik hasita (argazkia: Hiruka).

Duela sei hilabete jakin zuten Artedrama antzerki plataformako kideek Leioako Udalak hartutako erabakia, baina aste honetara arte ez dute publiko egin. Antzerki taldeko kidea den Ander Lipusek azaldu duenez, legealdi berriarekin hasi zen okertzen udal ordezkariekin zuten harremana, “erlazioa ez aurrera eta ez atzera” geratu arte. “Erabaki politikoa” dela adierazi du Lipusek eta horren berri izan zutenean denbora eskatu zutela beste norabait mugitu ahal izateko.

Antzerkigileak “deslokalizazio” gisa deskribatu duen egoera honen aurrean, Artedramak, behin behinean, Gernikan hartu du ostatu eta egin dituzte bilerak beste herri batzuetan ere, Leioan zutena bezalako toki finkoa edukitzeko. Baina aldi berean sorkuntza-lanetan ari dira, eta dena batera egitea zaila dela aitortu du Markina-Xemeingo aktoreak.

Herriko futbol taldea bai; herriko antzerki taldea ez?

Nabarmendu duenez, Leioan azken bost urteetan izan duen erresidentzia iraunkorraren figura ez dago behar bezala jasota indarrean dagoen legedian, ez Euskal Herrian, ezta Espainiako Estatuan ere. “Dena erdi-hitzarmenak dira”, dio Lipusek. “Gure borroka izan da horri aurre egitea eta gurearekin bandera egitea”.

Egoera bitxia da, izan ere: beste esparru batzuetan, kirolean adibidez, pentsaezina da instalazio kulturalekin bezala funtzionatzea: “Imaginatu herri bateko futbol zelaiak ez edukitzea bertako talde bat erabilera iraunkorra egiten, adibidez”.

Berriz hasten, etengabe

“Erreta” dagoela aitortu du Lipusek, ez baita horrelako egoera batean dagoen lehenbiziko aldia. “Duela 20 urte, Guggenheimekin batera, guk Mina espazioa zabaldu genuen eta handik hiru urtera itxi zuen Bilboko Udalak”, gogoratu du. Gero Antzerkiola Imaginarioarekin antzeko esperientzia bizi izan zuen. Eta orain, Leioan bost urtez lan egin ondoren, berriz ere leku bila ari dira.

Bestelako esperientziak ere nabarmendu ditu, nolanahi: Aulestin, adibidez, lortu dute urtero-urtero euskal antzerkizaleentzako erreferentzia bihurtu den ADEL egitasmoa egonkortzea eta “harreman ederra” dute hango ordezkariekin, Artedramako kidearen arabera.

Azpiegitura problemak alde batera utzita, zertan ari diren lanean ere esplikatu du Lipusek: Juan Antonio Urbeltzekin batera, azaroaren 11n estreinatuko dute Pio Barojaren Zalacain el aventurero liburuan oinarritutako ikuskizun berria, zeinean Harkaitz Canoren ekarpena ere garrantzitsua izan den testuei dagokienez. Lipusek azaldu duenez, obran garrantzi berezia izango du dantzak eta Bilboko Arriagan estreinatu ondoren beste hainbat herritatik ere igaroko da.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Antzerkia  |  Leioa  |  Kultur politikak

Antzerkia kanaletik interesatuko zaizu...
2018-07-22 | Mikel Asurmendi
Oier Guillan: "Arrakasta jendearekin komunikazioa lortzea da, horretarako egiten dugu lan"

Donostiako Larratxo auzoa, 1975. Oreretako Mikelazulo kultur elkarteko eta Metrokoadroka kolektiboko kidea. Kazetari, idazle eta antzerkigilea. Zauri Bolodia saioa (Txalaparta) eskuetan mintzatu gara, antzerkiaz bereziki: “Guk egiten dugun teatro motak bestelako irakurketa eskaintzen duelakoan nago. Liburuko Jota lagunak dioenez, ‘edonork dauka oholtza gainean aritzeko eskubidea’. Areago, gure antzerkia amateurra edo profesionala dikotomiaz harago doa”, erran digu... [+]


2018-07-04 | Usurbilgo Noaua
Usurbildarrek erraustegiaren aurkako parodiarekin amaitu dituzte festak (bideoa)

Usurbildarrek ozen oihukatu dute “Ez, ez, ez, errausketarik ez!”, jaien amaieran. Azken trakaren aurretik, festak hasi bezala amaitzeko tartea hartu da aurten. Urte luzez, herrian haserrea eta kezka eragiten segitzen duen erraustegiaren aurkako parodia batekin.


Badator kalealdia antzerki jaialdia

Datorren  astelehenean hasiko da Bilboko Kalealdia, kaleko arte eszenikoen jaialdia. XIV. aldia izango du, eta, orotara, kaleko arte eszenikoetan erreferente diren 26 konpainiak beren lanak erakutsiko dituzte. Kaleko antzerkia, zirkua, clown-a, txotxongiloak, kabareta eta dantza ikusi ahalko dira kalean, 65 ikuskizunetan. Euskal konpainien artean, maia Elizaran, Ertza, Ganso & Cía, Hika Teatroa eta Oinkari Dantza Taldea, Miguel Llanes eta Zo-Zongó!!. Bilbo bisitatuko... [+]


2018-05-28 | Mikel Asurmendi
Andereserora Hiriburun pastorala jokatuko dute Lapurdin ekainaren 3an

Ekainaren 3an, igandez, Andereserora Hiriburun pastorala jokatzeko tokia antolatuta dago 2.500 pertsonarentzako. Goizeko 10:30etik abiaturik, meza, desfilea, bazkaria, pastoralaren ekitaldi nagusia eta segidako festa prest dute hiriburutarrek Hiriburun.      

 


2018-05-04 | Euskal Irratiak
Andere Serora pastorala emanen dute ekainaren 3an Hiriburun

Andere Serora pastorala emanen dute ekainaren 3an Hiriburun. Erdi arotik bi gerlen erditsurarteko Hiribururen historia kondatzen du 4 partetan iraganen den pastoralak. 150 pertsona izanen dira taula gainean, Pantxika Urruty-ren gidaritzapean.


Pastorala, bi munduren artean
MULTIMEDIA - solasaldia

Ahozkotasunaren eta kultura idatziaren artean, proiektu kolektiboaren eta idazketa izenpetuaren artean, gaur egungo hitzaren eta ohidura historikoaren artean, Zuberoko pastoralak paradoxa edo konparaketa interesgarri anitz biltzen ditu. Bikoiztasun horrek interesatuko gaitu, praktika horren inguruko diziplina-arteko proiektu baten karietara. Pierre Vilarren hitzaldia Baionako Euskal Museoan.

Pierre Vilar goi mailako eskola normalaren ikasle ohia, letra modernoetan agregazioduna eta frantses... [+]


Bizimi˝ak antzezlana
"Euskal Herrian gatazka armatuak utzi dituen min guztiak azaleratzen ditugu oholtza gainean"

Bizimiñak ikuskizuneko sortzaile Itziar Elias (Azkoitia, 1980) aktoreak azaldu ditu musika, antzerkia eta marrazkigintza lanaren nondik-norakoak Apirilaren 20an Laudioko Laudioalde aretoan izango dira, 19:00etan.


Aulesti euskal antzerkiaren hiriburu bihurtuko da apirilaren 2tik 7ra

Artedrama Topaketen hamahirugarren edizioa egingo dute datorren hilaren 2tik 7ra Aulestin eta, horrekin batera, ADEL laborategiaren hemezortzigarren edizioa. Egunero antzezlanak ikusteko aukeraz gain, arte eszenikoen inguruko formazio eta elkartrukerako erreferentziazko zita bihurtu da Aulestikoa jada.


2018-03-13 | Euskal Irratiak
"Zazpi senideko" anaitasunaren inguruko zazpi istorio biltzen dituen antzerki obra

Estreinatu dute Fuchs anaien azken ikusgarria: "Zazpi senideko". Anaitasunaren inguruko zazpi istorio biltzen dituen antzerki obra da.


Nicole Lougarot. So kritikoa maskaradei
"Gaizki uzten nau maskaradetan buhameak nola agertzen diren ikusteak"

Berez gustuko baditu ere, maskaradei buruzko ikuspegi kritiko bat plazaratzen dabil zuberotar antropologoa. Buhameei buruzko arrazismoa antzemanik, maskaradetako diskurtsoa aldatzeko deia egin du: “Maskaradak betiere maskaradak ditukezu hori aldatuz gero ere”. Tradizioaren karga eta Euskal Herriko buhameen historiaren inorantzia dira batez ere aldaketarako oztopo. Haren ekarpenak ez dira, ordea, denen gustuko.


Azkenak
EGILEA
Eguneraketa berriak daude