Lehenbailehen pediatra kontratatzeko eskatu dute Bertizarana eta Malerrekako gurasoek
Abuztuaz geroztik pediatrarik gabe daudela salatu dute Bertizarana eta Malerrekako gurasoek. Arazoa ez da oraingoa, behin eta berriz eskatu izan baitute pediatra. Gobernuak, ordea, pediatrarik ez dagoela erantzuten omen die. Baina gurasoen hitzetan, «Osasunbideak bere web orrialdean erakusten duen moduan, libre dauden pediatrak egon badaude». Horregatik, «lehenbailehen» arazoari konponbidea emateko eskatu dute.
aurre egingo dieten hedabide independenteak
Malerrekako Mankomunitatea osatzen duten 15 herrietako familia ugarien izenean, pediatra zerbitzuarekin duten arazoaren berri emateko oharra bidali dute Bertizaranako eta Malerrekako gurasoek komunikabideetara. Abuztutik pediatrarik gabe daudela salatzearekin batera, «umeen lehendabiziko balorazioa erizainak berak egiten duela» jakinarazi dute: «alde batetik, bere esku gelditzen da diagnostikoa egitea edota tratamentua abian jartzea, eta bertzetik egoerak hala eskatzen badu familia medikuei kasua bideratzea, beraien lan-ordutegiaren eta lehendik dituen hitzorduen arabera gure umeak artatzeko tartea eskainiz». Lehenago ere egoera berean egon direla oroitarazi dute gurasoek: «2018an bortz hilabete eman genituen pediatrarik gabe eta 2019-2020an hiru hilabete».
Astean behin, «lau orduz gehienez» Lesakako Osasun Zentroko pediatra azterketak egitera joaten dela azaldu dute. Baina ez da nahikoa gurasoen irudiko: «Doneztebeko Osasun Zentroari pediatra bat jardunaldi osoan dagokio, horregatik lau orduko zerbitzu hori behar guztiak asetzeko eskas gelditzen da».
Behin eta berriz eskatu dute jardunaldi osoan lanean aritzeko ordezko pediatra Malerreka eta Bertizaranako gurasoek. «Pediatrarik ez dagoela erantzuten digute», baina pediatrak badaudela azpimarratu dute: «Osasunbideak bere web orrialdean erakusten duen moduan, disponibilitatea daukaten pediatrak egon badaude».
Egoera ikusita eta Malerrekako lanpostuak hutsik segitzen duela ikusita, galdera hauxe luzatu dute gurasoek: «lanpostua landa eremuan kokatzeak baldintzatzen ote du ordezkapena ukatzea?». Horren harira proposamena ere egin dute: «zergatik ez dituzte ordezkaritza horiek hartzen dituzten profesionalak modu batean edo bertzean saritzen?; urtebeteko esperientzia urte bat eta erdi gisa kontatuz edota beraien lanorduak etxetik ateratzen direnetik kontatzen hasita, errate baterako».
Hala, alde batetik, «bizi dugun egoeraren larritasuna eta negu korapilatsu bat hurbiltzen ari zaigula» ikusita, eta bertzetik, «gure seme-alaben osasuna jokoan dagoela» iritzita, «lehenbailehen pediatra baten kontratazioa» galdegin dute gurasoek.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Suizidioagatiko dolua humanizatzen lagun dezaketen elementuak aztertu eta prebentziorako neurriak azaldu dituzte Suizidioaren humanizazioa ikastaroan, Biziraun elkarteak antolatuta. Osasun arloko profesionalek, suizidioak eragindako heriotza baten bizirauleek eta suizidio... [+]