Lau urteko kartzela zigorrera kondenatu dituzte Galder Barbado eta Aitor Zelaia
Amurrioko Galder Barbado eta Gasteizko Aitor Zelaia gazteei lau urteko espetxe zigorra ezarri die Espainiako Auzitegi Nazionalak. “Armak eta munizioa gordetzea” eta “helburu terroristarekin substantzia eta gailu lehergarriak gordetzea eta horiekin trafikatzea” leporatu diete.
Barbado eta Zelaiaren defentsek epaiari helegitea jartzeko aukera dute orain, Auzitegi Nazionalean.
Ángela Murillo izan da epailea, ezaguna Euskal Herrian, besteak beste 18/98 auzian izan zuen rolagatik eta 2017an esan zuelako ez zuela ETAren armagabetzea sinesten. Fiskala ere ez da ezezaguna gurean: Altsasuko gazteen kasuan aritu zen José Perals.
Gazte arabarrak duela bi urte atxilotu zituzten, material lehergarria zuen bidoi batekin harremana izatea egotzita. Sei hilabete izan ziren kartzelan, eta ordutik baldintzapeko askatasunean dira.
"Epaitzen dena da gure militantzia politikoa: ezker abertzalean zer paper izan dugun, zein ekitaldietan egon garen, norekin... Urtetan kozinatu duten operazioa dela erakusten du txostenak" kontatu zuen ARGIAn Galder Barbadok berak, auzia hasi baino egun pare bat lehenago.
ANkerkeriari Stop!
Auzia abiatu bezperetan, ANkerkeriari Stop! plataforma jaio zen, Barbado eta Zelaiari babesa adierazteko asmoz. Plataformak deituta, mobilizazioak egin dituzte, baita atxikimendu kanpaina bat ere. Absoluzioa ez den beste epairik ez dutela onartuko aldarrikatua dute plataformako kideek.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]