Aurreko astean, astelehenetik ostiralera, lau langile hil ziren Euskal Herrian beharrean ari zirela. Azkena Urizaharreko harrobi batean zendu da, Araban, ostiral eguerdian. Segurtasun Sailak emandako lehen informazioen arabera, langilea makina batean harrapatuta geratu da.

Sei eguneko epean, bost

Aste horren aurreko igandean beste langile bat hil zen, Muxikan, traktorearekin lanean ari zela. Beraz, sei eguneko epean, bost langile hil ziren pasa den astean.

Ostegunean, gizon bat hil zen Errenterian, aldamio batetik erorita, Altzate auzoan eraikitzen ari diren etxebizitza berrietan. Asteazkenean, berriz, garraiolari bat zendu zen Cadreitako istripu batean, eta astelehenean, Arriben, beste langile bat hil zen eraikuntza lanetan, zortzi metroko altueratik erorita.