Jean-Jaqcues Lasserre senatariak hezkuntza zentro pribatuen finantziazio publikoa debekatzen duen Falloux legea zuzentzeko eskatuko du hurrengo asteko bilkuran.
Senatariaren adierazpena Hendaiako ikastolaren eraikuntza prozesuan izandako tirabiren harira dator. Izan ere Patrick Dallennes Baionako suprefetak Hendaiako udalari gutun bat bidali zion ikastola Falloux legearen ondorioz ezin zutela finantzatu oroituz. Horren aurrean herriko kontseiluak ikastola finantzatzearen alde bozkatu zuela ikusita, Parisko ordezkariei dagokie orain erabakia hartzea.
Lasserrek hezkuntza zentro pribatu eta laikoen finantzazio publikoa ahalbidetu nahi du, bereziki Estatu frantziarreko eskualde hizkuntzak erakusten dituztenak, ikastolak bezala. Parisen, aldiz, iritzia bestelakoa da, eta konponbidea zaila.
Hasiera batean Lasserrek ekimen parlamentario baten bidez legearen egoera eztabaidatzea proposatu zuen, baina ez zen gauzatu. Oraingoan, zuzenean Senatura zuzenketa baten eskaera bidaltzea erabaki du. 18. artikuluan eskatu du zehazki zuzenketa: herri, departamendu eta eskualdeei eskualde hizkuntzen irakaskuntzan sostengua emateko aukera ahalbidetzea.
Proposamena hurrengo astean, maiatzak 14, aztertuko da Kultura, Hezkuntza eta Komunikazio bilkuran. Bertan zuzenketa onartuz gero, Senatuan bozkatuko da maiatzaren 21ean.
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.