Hainbat enpresetarako azpikontratatu gisa aritutako langile bat bere jardun profesionalaren ondorioz hil dela onartu du Gasteizko Gizarte arloko Bigarren epaitegiak, eta horrela, atzera bota du hori ukatzen zuen Espainiako Gizarte Segurantzaren ebazpena, Asviamiek (Euskadiko Amiantoaren Biktimen Elkartea) jakinarazi duenez.
2018ko martxoan hil zen Cosme C.C, mesotelioma pleural gaizto baten ondorioz. Orain, epaitegiaren ebazpenaren arabera, amianto zuntzen arnastearen ondorioz sortu zitzaion mesotelioma hori. Erretzailea izateak ez zuen gaitz horretan zerikusirik, epaiaren esanetan.
Gizarte Segurantzak ez zuen horrela ikusi eta ukatu egin zuen heriotza arrazoi profesionalen ondorioz gertatu zela. Hildakoaren alargunak, helegitea jarri zuen erabakiaren aurka, martxoaren 10ean egin zen epaiketa eta orain ebazpena etorri da, Naiz.eus-ek jakinarazi duenez. Ondorioz, Gizarte Segurantzak, dagozkion prestazio guztiak eman beharko dizkio alargunari.
Langilea hainbat enpresetarako aritu zen lanean 1971tik 2007ra arte, batez ere igeltzero lanetan eta uralita teilatuak deseraikitzen, besteak beste Ezcurra y Ozores lantegian eta Fibesa edo Forjas Alavesas-Acenor-Sidenorren. Asviame pozik agertu da ebazpenarekin eta salatu du Gizarte Segurantzaren jarrera, elkartearen esanetan beti saiatzen ari dena halako heriotzak jardun profesionaletik bereizten.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]