Langile bat hil da Gaviota petrolio plataformara zioan ontzitik erorita

  • Gas natural biltegira bidean zen ontzitik erorita hil da langilea. Dagoeneko hamabi dira aurten Euskal Herrian lan istripuz hildako langileak.


2021eko martxoaren 17an - 08:51
(Argazkia: aherrero)

Asteazken arratsaldean gertatu zen lan istripua, 18:00ak aldera, Ertzaintzaren arabera. Bermeoko kostaldetik gertu dagoen Gaviota petrolio plataformara zioan ontzitik uretara erori zen 50 urteko langilea. Erreskatea gauzatu eta langilea konorterik gabe atera zuten uretatik, beste ontzi batean portura bideratuz. Han larrialdi zerbitzuek langilearen heriotza baieztatu zuten.

Gas natural biltegia da Gaviota plataforma, eta Enegas enpresak kudeatzen du. Kostaldetik zortzi bat kilometrora dago, eta bertako langileak helikopteroz bertaratzen badituzte ere, hornikuntza lanak ontziz gauzatzen dira.

Ezbehar honekin, hamabi dira aurten Euskal Herrian lan istripuz hildako langileak.


Irakurrienak
Matomo erabiliz
Azoka
Kanal honetatik interesatuko zaizu: Lan istripuak
2024-05-28 | ARGIA
Hil egin da iragan astean Bergaran zauritutako langilea

Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.


Hil egin da Lizarrako langile bat, gidatzen zuen kamioian istripua izan ostean

51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.


Zorroza Gestión de Residuos enpresak onartu egin du Bassirou Dioneren gorpua mugitu zutela, lan heriotza ezkutatzeko

Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.


Mutualitateek osasuna negozio bihurtu dutela salatu dute

Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.


2024-04-30 | ARGIA
Hil egin da Artzentalesen zauritu zen basogintzako langilea

Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.


Eguneraketa berriak daude