Landaredia eta toponimia bateratzeko ekimen bat
Landarediak euskal toponimian duen garrantzia ebidentea da. Itsaso eta Itsasondo badaude Gipuzkoako barnealdean, ez da itsasoagatik, itsats edo isats landareari lotutako toponimoak direlako baizik. Zentzu honetan, Eibartik ekimen polita: izen toponimikoa duten herriko auzoetan, izen bereko arbolak eta zuhaixkak landatu ditu aurten udalak.
Honako izenak dituzten espezieetako arbolak eta zuhaixkak landatu dira: Urki (urkiak), Ipurua (ipuruak), Gorosta (gorostiak), Aginaga (hagin multzoa) eta Saratsuegi (sahatsak).
Zehazki, Urki Kurutzekua parkean hiru urki landatu dira (Urki auzoaren izen zahar bezala Urkidi dokumentatua dago); Ipuruan, bolategiko eta Argatxago lorategietan, futbol zelai ezagunetik gertu, bost ipuru (ginebra edaria ipuruaren fruitutik eratortzen da, bide batez); Gorosta auzoan bost gorosti Azitaingo industrialdeko parkeetan (Sustatu egiten da CodeSyntax enpresaren egoitzatik, eta hau Gorostaballen dago), Aginagan, landa-auzoko eskolaren inguruan, lau hagin (taxus baccatta); eta Saratsuegin (Eibarren auskatzen da Sautxi), skate parketik eta kirol-pistetatik gertu lausahats (salix) landatuko dira.
Twitterreko iruzkinetan irten da galdera ea ez ote den huntza hazten utziko Eibarko udaletxean, Untzaga plaza ezagunean dagoenez. Dirudienez, untsa/ulsa euskara zaharreko terminoarekin lotuago legoki hori, baina honen esanahia belardia izanik, aukera hor dago...
Bestalde, auzoa ez baina mendia da Kalamua, mugakide egiten duen Markinako herriarekin, eta hor ere kalamurik landatuko denik ez da informatu.
Gehiago jakiteko, hemen. Irudian, Ipuruan futbol zelai eta bolatokiaren artean landatutako ipuruetako batzuk.
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]