Lanbidek emakumeekiko daukan jarrera salatzeko elkarretaratzea egin dute Bilbon

  • Eusko Jaurlaritzaren Bilboko ordezkaritza aurrean batu dira hainbat hiritar, “Gure prekarietatea, haien negozioa” lemapean. Bereziki indarkeria matxista pairatu duten emakumeak kaltetuz, Lanbidek darabiltzan praktika okerrak eta murrizketak izan dituzte jo puntu.

ARGIA @argia
2018ko azaroaren 21a
(Argazkia: Ecuador Etxea)

Elkarretaratzea Bizkaiko emakumeen elkarteek eta kolektibo sozialek deitu dute, “Derrigorrezko Diru Sarrerak Bermatzeko Errenta (DSBE) eta Etxebizitzarako Prestazio Osagarria (EPO) kudeatzeko ardura duen Lanbide Euskal Enplegu Zerbitzuak sistema patriarkala erreproduzitzen jarraitzen duela” salatzeko.

Enplegu eta Gizarte Politiketako Sailburu Beatriz Artolazabalen gidaritzapean jarduten duen zerbitzuak emakumeen kontra darabilen indarkeria, bereziki indarkeria matxista pairatu duten emakumeei eragiten diena, ezagutaraztea izan dute helburu. Justizian oinarritzen den eta benetako berdintasun politikak erabiliko dituen babes sozialerako sistema ere aldarrikatu dute.

Publiko egin duten idatzian salatu dutenez, Lanbidek irizpide arbitrario eta neurrigabeak erabiltzen ditu, legearen erabilera okerra eginez eta emakumeak arrisku egoerara bultzatuz. Gehitu dute, sarri emakume horiek adin txikikoen kargu egon ohi direla eta faktore horrek arrisku egoera larriagotzen duela. Honek, indarkeria matxista pairatu duten emakumeen berbiktimizazioa eragiten duela azpimarratu dute.

Are gehiago, diru laguntzaren justifikaziorik gabeko iraungipenaz harago, Lanbide atzeraeraginezko izaeradun “okerreko kobratzeak” erreklamatzen ari dela ere salatu dute, emakumeak “gogorki zigortzen” dituena.

Jakinarazi dutenez, Aratekoaren bulegotik aurten luzatutako espedienteen bidez, sarri adierazi da Lanbidek indarkeria jasan duten emakumeei diru-laguntza kenduz egindako esku-hartzeekiko desadostasuna. Gainera, espedienteek jasotako kasu guztietan emakumeek adin txikikoren bat zeukaten beraien kargu, eta horren aurrean Arartekoak argi adierazi du Lanbidek ez duela adin txikikoen interes gorena kontutan izan.

Horren guztiaren aurrean, Eusko Jaurlaritzaren Enplegu eta Gizarte Gaietarako Sailaren arduragabetasuna ere seinalatu dute, zeinak ez dituen aintzakotzat hartzen indarkeria matxista jasan duten emakumeek Lanbideko bulegoetan pairatzen dituzten eskubideen urraketak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Bilbo  |  DSBE

Indarkeria matxista kanaletik interesatuko zaizu...
2019-03-15 | ARGIA
Kontsumo arloko indarkeria matxistak salatzeko sareko plataforma sortu dute

Setem Hego Haizea GKEak eta Al Borde Films-ek abiatu dute plataforma. Helburua kontsumo bidezko indarkeria matxistak salatu eta alternatibak jasotzeko espazio bat sortzea da.


2019-03-14 | ARGIA
Lanbidek indarkeria matxista jasan duen emakume bati languntzak ukatu izana salatu dute Barakaldon

Aipatu kasua kasu isolatua izatetik urruti dagoela azpimarratu dute, eta Lanbidek indarkeria matxista pairatu duten emakumeekiko duen jarrera okerra salatu.


2019-02-21 | ARGIA
Majarenasen alabaren erasotzaileak libre jarraituko duela salatzeko elkarretaratzea deitu dute Donostian

Duela bi urte Sara Majarenasen alaba Izar hiltzen saiatu zen gizona libre da otsailaren 15etik. Asteazken honetako bistan, Majarenasen eta alabaren defentsak eskatu du epaiketara arte gizona kartzelan mantentzeko, jakinik gainera erasotzaileak aitortu egin duela erasoa eta zigortu egingo dutela. Epaileak ordea ebatzi du aske segi dezakeela eta protesta-elkarretaratzea deitu du Donostian Sara Izarrekin plataformak, ostegun arratsalderako.


2019-02-19 | ARGIA
Libre utzi dute Stytianos Messinezis, Sara Majarenasen alaba hiltzen saiatu zen gizona

Baldintzapean libre da otsailaren 15etik duela bi urte Sara Majarenasen alaba Izar hiltzen saiatu zen gizona: Stytianos Messinezis. Berriak eta Naizek jakinarazi dutenez, Picassent-eko (Herrialde Katalanak) instrukzio epaitegian asteazkenean berriz bista bat izango dute erabakitzeko akusatuak libre jarraituko duen ala bere aurkako prozesua amaitu arte espetxean izango den.


2019-02-15 | Arabako Alea
Hilero 91 emakume artatu ditu Gasteizko Udalak indarkeria matxistagatik

Gasteizko Udalak aurrenekoz bildu ditu indarkeria matxistaren arretaren inguruko datuak. Genero indarkeriaren errealitatea bere gordintasunean erakusten dute zifrek: 2018ko urtarriletik urrira arte, guztira, 916 emakume artatu dituzte Gasteizko Udaleko zerbitzuek indarkeria matxistagatik, hain zuzen 91,6 emakume hilabetero.


2019-02-12 | ARGIA
Ertzain bat atxilotu dute, sexu erasoa leporatuta

Erasotzaileak Bilbon eraso egin ziola salatu du emakume batek. Ertzaintzak espedientea zabaldu dio 49 urteko poliziari, eta epaiketara arte kargutik kendu.


Espainiar Inkisizioa keak belztuta

Languedoc (Okzitania), 1184. Inkisizioa sortu zen, kataroen heresiaren aurka egiteko. Handik Europako beste herrialde batzuetara zabaldu zen, bestelako “heretikoen” aurka ere egiteko.


Indarkeria matxista kasuetan zaintza partekatua ukatzeko lehen urratsa

Indarkeria matxista ematen den kasuetan, erasotzaileari seme-alabaren zaintza partekaturako eskubidea ukatzeko lege proposamena ostegun honetan iritsiko da Eusko Legebiltzarrera. Ondo bidean, tramiterako onartuko da proposamena. Espainiako Estatuan neurri hau ezartzen duen lehenengo erkidegoa litzateke EAE.


2019-01-30 | Amaia Lekunberri
Emakumeei eragiten dieten arazo sozialak ikusezinak dira erakundeentzat, Argitan-en balantzearen arabera

Iazko urtean 360 emakume artatu zituzten Argitan Emakumeentzako Aholku Etxean. Orain 23 urte proiektua martxan jarri zutenetik, 7.439 izan dira aholkularitza eske gerturatutako emakumeak.


2019-01-29 | ARGIA
Indarkeria matxistagatik hiru gizon atxilotu dituzte azken hiru egunetan

Donostia, Bilbo eta Gasteizen gertatu dira erasoak. Atxilotuek 27, 24 eta 35 urte dituzte, hurrenez hurren.


Azkenak
EGILEA
Eguneraketa berriak daude