Lan ikuskaritzak Berriatuako Heisa enpresa zigortu du maiatzean gertatutako lan istripuaren harira
LABek jakinarazi duenez, "bi zigor larri" eta prestazioen %30eko errekargua ezarri dizkiote enpresari. Enpresak esan du istripua langileak karga jasogailuaren erabileren araua ez errespetatzeagatik gertatu zela.
aurre egingo dieten hedabide independenteak
Sindikatuak jakinarazi duenez, langileak karga jasogailuagaz eduki zuen lan istripua. “Karga jasogailuak katigamendu mekanikoko gailu bat zuen, eta karga jasogailua dagokion solairuan ez badago, atea blokeatuta geratzen da eta ez da irekitzen”. Baina lan istripua gertatu baino egun batzuk lehenago, karga jasogailuak huts egin zuela eta horren aurrean enpresak ez zuela ezer egin gaineratu du LABek. “Istripuaren egunean, atea blokeatzeko katigatze sistemak ez zuen behar bezala funtzionatu, eta nahiz eta karga jasogailua 0 solairuan ez egon, atea ireki egin zen”.
Sindikatuak azaldu du lan ikuskaritzak egiaztatu zuela enpresak ez zuela inolako prebentziozko mantentze lanik egiten. “Enpresak esan zuen ez zuela betebehar horren berri”. Istripua gertatu ostean, enpresak karga jasogailua mantentzeko kontratua egin zuen karga jasogailua konpondu zuen enpresagaz. “Enpresa horrek segurtasun ziurtagiri berriak egin zituen”.
Gaineratu dute 2017an egindako ebaluazio bat zegoela, baina ez zegoela lanpostuaren arrisku zehatzei eta enpresako arrisku orokorrei buruzko prestakuntzarik. “Ez dago ohiko lanposturako gaitasun ziurtagiririk”. Horrez gain, karga jasogailua “fabrikatzaileak kontraindikatutako kontuetarako” erabiltzen zela diote.
Enpresaren erantzuna. Horren aurrean, baina, enpresak azaldu du debekatuta daukatela langileak karga jasogailuan ibiltzea. “Karga jasogailuaren erabilera lehengai eta merkantziarentzat dago mugatuta”. Gainera, azaldu dute arau hori azaltzen duen kartel bat ere ipinita dagoela. “Langileak ez zuen arau hori bete, eta horregatik gertatu zen istripua”.
Sindikatuak gaineratu du lan ikuskaritzak prebentzio araundiaren bi arau hauste larri ezarri dizkiola: ateak blokeatzeko sistemaren funtzionamendu desegokia eta mantentze falta. “Prestazioen %30eko errekargu proposamena egin zen, langileak jasandako osasun kalteen eta lan arriskuen prebentzioari buruzko legeria haustearen arteko kausalitate harremanaren ondorioz”.
LABek salatu du lan istripuaren arrazoiak “lanaren antolaketa txarra eta oinarrizko mantentze prebentiborik ez egin izana” direla. “Beti bezala, enpresek berandu jarduten dute, langileok osasuna galdu dugunean”.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.