Emakumeak borrokan

'La Manadako' kide bat atxilotu dute lapurtzen eta bi zaindari autoarekin harrapatzen saiatu ostean

  • Ángel Boza asteazkenean atxilotu dute Sevillan, merkataritza gune batean eguzkitako betaurrekoak lapurtzen saiatu ondoren, bere atzetik joan diren bi zaindari ibilgailuarekin harrapatzen saiatzea egotzita.

Nahia Ibarzabal @NahiaIbarzabal
2018ko abuztuaren 02a
Ángel Boza La Manadako kidea

Bide segurtasunaren aurkako delitua egotzi diote Bozari, epaile batek gidabaimena kendu arren ibilgailua hartu duelako. Autoz harrapatu dituen bi zaindariak zaurituta daude baina ez larri.

Momentu honetan preso dago Manadako kidea, Espainiako Poliziak Sevillako Blas de Infante kalean duen polizia-etxean.

Baldintzapean aske ekainetik

La Manadako bost kideak, bederatzi urteko espetxe-zigorrera kondenatu zituzten apirilean Iruñeko Sanferminetan emakume bat bortxatzeagatik. Ekainean, baldintzapean aske gelditu ziren. Astelehen, asteazken eta ostiraletan guardiako epaitegira joan behar dute, Espainiatik ezin dute irten eta Madrilgo autonomia-erkidegoan sartzea debekatuta dute, bortxatu zuten biktima bertakoa delako.

Antonio Manuel Guerrero taldeko beste bortxatzaile bat ere, pasaportea berritzen saiatu zen espetxetik atera eta egun gutxira. Ihes egiteko saiaketa izan zela salatu zuten epaile ugarik baina aske utzi zuen epaitegiak.

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Sexu Erasoak

Sexu Erasoak kanaletik interesatuko zaizu...
2019-04-14 | Sonia González
IRITZIA
Pederastez eta bestelako piztiez

Leaving Neverland dokumentala. Biktima bi. Lau orduz euren ahotik pederastiaren mekanismo konplexuak ulertzeko parada. Kraskatutako gizon heldu bi. Berba bakoitzean orduko umeak azalarazten dira. Pederastiaren itzal luzea.

Pederastak piztiak dira, bai, baina ez dira munstroak. Kalkulatzaileak dira. Badakite zein diren ume babesgabeenak, badakite zelan egin neska-mutikoen eta familien konfiantza apurka irabazteko eta, zeregin horretan, denbora luzea emateko prest daude. Indarkeriaz baino,... [+]


2019-04-03 | ARGIA
Haurren aurkako sexu gehiegikeriak prebenitzeko protokoloa iragarri du Arartekoak

Udazkenerako iragarri du protokoloa EAEko Arartekoak, Eusko Legebiltzarrean 2018ko txostena aurkezteko egin duen agerraldian: helburua, administrazioen erantzuna koordinatzea haurren kontrako sexu gehiegikeri kasuak prebenitu, antzeman, biktimak artatu, erasotzaileak zigortu eta delitu hauek argitara emateko.


2019-03-31 | Z. Oleaga
Jabi Arakama Urtiaga, eraso matxisten kudeatzailea
"Emakumeek lan ikaragarria egiten dute, eta gizonok beste behin eroso gaude, kanpotik begira"

Duela bost urte, feministek bultzatuta, eraso matxistei bestelako modu batean aurre egiteko saiakera abiatu zen Iruñerrian. Logika zigortzaile patriarkalak gaindituz, bide eraldatzaileagoak eta osatzaileagoak urratu nahi dituzte. Jabi Arakama Urtiagak prozesu horietan hartzen du parte, gizon erasotzaileekin lan eginez, besteak beste.


2019-03-29 | ARGIA
Hiru emakumek sexu jazarpenak jasan dituzte Baionako musika ikastaldi batean

Lapurdiko Mediabask kazetaren informazioaren arabera, hiru emakumek sexu jazarpenak jasan zituzten Baionako musika ikastaldi batean iragan uztailean. Salatua 76 urteko gizona da, ikastaroaren zuzendaria. Fiskalak gertatuaren gaineko ikerketa jarri du abian.


2019-03-04 | ARGIA
Hiru gizon atxilotu dituzte sexu erasoengatik bi egunetan

Donostian, Beasainen eta Tolosan jazo dira sexu erasoak.


Apaiz batek egindako abusuak salatu dituzte Garesen

SER irratiari eskainitako elkarrizketan, Erreparaziokoen ikastetxeko erizaintza gelan aritzen zen apaiz batek hari eta anaiari sexu abusuak egin zizkiola salatu du gizon batek.


Sanferminetako erasotzaileei zigorra handitzeko, Gorenean helegitea aurkeztu du Nafarroako Gobernuak

Herri akusazio gisa aurkeztu da Nafarroako Gobernua 2016ko sanferminetako bost erasotzaileen aurka. Biktimak ere helegitea aurkeztu du Auzitegi Gorenean.


2019-02-22 | Mikel Asurmendi
Elizaren tabua areagotuko duen Éric Colomerren dokumentala
Apaiza katolikoek bortxatutako moja erlijiosoak

Eliza Katolikoaren bortxaketak salatzen dituen Mea maxima culpa dokumentala zabaldu zuen iragan urteko urrian Arte telebista kateak. Apaiz pedofilo baten kasua ekarri zuen pantailara. Oraingoan, serorak bortxatu dituzten apaiza katolikoen kasua ekarri du Éric Colomer dokumental egileak.


2019-02-21 | ARGIA
Eliza barruko sexu abusuei aurre egiteko biltzarrean "neurri zehatzak" iragarri ditu Aita Santuak

Sexu abusuak ezkutatzen urteak daramatzan Eliza katolikoak hiru eguneko biltzar historikoa abiatu du, 190 lider erlijioso pederastiaz eztabaidatzen jarriko dituena. “Jainkoa begira dugu eta gugandik ez ditu soilik kondenak espero, beharrezkoak diren neurri zehatz eta eraginkor guztiak baizik. Zehatzak izan behar dugu”, adierazi du Aita Santuak, biltzarraren irekiera ekitaldian.


2019-02-18 | Antxeta Irratia
Sexu askatasunaren kontrako erasoek gora egin dute eskualdean

Azken asteetan Irungo zenbait establezimendutan emandako lapurreten harira, sare sozialetan eta zenbait komunikabidetan piztu den alarmari aurre egin nahian edo, Ertzaintzak, Irun-Hondarribiko Udaltzaingoak eta bi udalerrietako segurtasunerako zinegotziek egin ohi duten Koordinazio Batzordearen balorazioa publiko egin zuten atzo.


Azkenak
EGILEA
Eguneraketa berriak daude