AuzoLab parte hartze prozesuetan lanean aritu dira bi talde Donostia 2016-k bultzatutako bi erronkari erantzuteko: suhiltzaileen egoitzako 0. solairuari erabilpen berriak aurkitzea eta Europako Kultur Hiriburuaren baloreak islatuko dituen “zigilu” identifikatzailea diseinatzea. Egindako lanaren emaitzak aurkeztu eta irailean bi prozesu berri hasiko direla iragarri dute.
Artearen eta berrikuntza sozialaren inguruko profesionalez eta boluntarioez osatutako taldeak aritu dira AuzoLab laborategietan.
Suhiltzaileen egoitzako beheko solairuaren erabilera birdefinitzeko proiektua landu dute laborategietako batean eta koordinazio-lanetan Ixi Garcia Pink Gorillas kolektiboko kidea eta Maushaus kolektiboko Anabel Varona eta Carlos Arruti kideak aritu dira. Egun kultur hiriburuaren merchandisinga saltzeko denda bakarrik hartzen duen espaziorako “eredu malgua” sortu dute, hiriko eragile anitzak barnebiltzeko.
“Zigilua” izeneko bigarren AuzoLab-a ere amaitutzat jo dute. Maiatza eta ekaina bitartean, herritarren bi talde aritu dira Europako Kultur Hiriburuaren baloreak islatzeko elementu identifikatzailea sortzen. Taldeetako bat Ania Bas artista poloniarrak zuzendu du, eta bestea Ricardo Anton ColaBoraBora-ko kideak.
AuzoLab-etako lan taldeak uztailaren 22an elkartu ziren lortutako emaitzak aurkezteko. Conexiones improbables Plataformak aztertu ditu emaitza horiek, eta ateratako ondorioak Donostia 2016ri gomendatu dizkiote, bulegoak erabaki dezan ze aholku eraman praktikara.
AuzoLab-en webgunean eskuragarri daude, bai “Suhiltzaileak”, bai “Zigilua” prozesuetan egindako lanaren txostenak.
Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]
Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]
Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]
Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.
Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.