Botoa eman zezaketen herritarren %82,71k parte hartu dute igandeko Krimeako erreferendumean eta gehiengo zabalak Ukrainatik banatzearen alde egin du, Errusiarekin bat egin aurreko urrats gisa.
Zenbaketa amaitu baino lehen, Mijail Malishev hauteskunde batzordeko buruzagiak azaldu zuenez, hautesleen %3ak soilik agertu da autonomiaren alde.
Krimeako parlamentua gaur bilduko da ohiz kanpoko batzarrean galdeketaren emaitzak onartzeko. Ondoren Vladimir Putin Errusiako presidentearengana zuzenduko da, Krimeako errepublika Errusiar Federazioan onar dezan.
Putinek erreferendumaren legezkotasuna defendatu du Barack Obama presidente estatubatuarraren aurrean. Krimea Errusiar Federazioan sartzen bada, zigorrak ezarriko direla baieztatu du Obamak ordea.
Munduko zazpi ekonomia industrializatuenek osatzen duten G7 taldeak (Alemania, Kanada, AEB, Frantzia, Italia, Erresuma Batua eta Japonia) ez dute atzoko galdeketa onartu eta AEBen ildoan, zigorrekin erantzuteko aukera jarri dute mahai gainean.
Bien bitartean, Sergei Neverov Errusiako Parlamentuko presidenteordeak baieztatu du, Krimea herrialdera batzeko beharrezkoak diren legeak onartuko dituela parlamentuak.
Krimeako tatareraz lan egiten duen munduko telebista kate bakarra, ATR, lizentziarik gabe utzi du Errusiak. Erabakia teknikoa izan dela adierazi diete Nationalian irakur daitekeenez, legedia betetzeko eskabideak ez dituela garaiz bete argudiatuz. Internet bidez emititzen... [+]
2014ko otsailaren 28an; Sebastopolen milaka pertsonek Nakhimov almirantearen plaza hartu eta hiriaren defentsa antolatzen hasi ziren. Egun batzuk lehenago, Kieveko Maidan plazako ekintzaile europarzaleek eraikin publikoa okupatu eta botere aldaketa bortizki gauzatu zuten.
Alex Salmond Eskoziako ministro nagusiak jada adostu du Espainiako Gobernuarekin Eskoziak independentzia lortzen badu, onartu egingo duela.