ARGIA.eus

2022ko irailaren 29a

Korrikak eta AEK-k elkartasuna adierazi diete presoen argazkiak eramateagatik atxilotutako lagunei

  • “Alderdien arteko tirabiren jokoan” eragiteko nahia ikusten dute atxiloketen atzean Korrikak eta AEK-k. Sortuk eta Amnistiaren Aldeko eta Errepresioaren Aurkako Mugimenduek ere kritikatu dute polizia operazioa.

Argazkia: Zuialde herri informazioa
ARGIA @argia
2019ko maiatzaren 14a

Korrikak eta AEK-k ohar bateratua igorri dute asteleheneko gertakarien harira (Guardia Zibilak hiru lagun atxilotu ditu, terrorismoa goratzea egotzita). Ekimen herritarraren mamia zein den gogorarazi dute lehenik eta behin: “Korrika euskararen aldeko ekimena da, ez besterik”. Aldi berean, baina, Korrikak aniztasun handia barnebiltzen duela nabarmendu eta aniztasun hori balioan jarri dute: “Hori da, hain zuzen ere, Korrikaren nahia, ahalegina eta meriturik handiena: jende ezberdina biltzea gure hizkuntzaren alde. Korrika bitartean azal litezkeen bestelako aldarrikapenak, parte hartzea bezain anitzak, Korrikaren parte hartze zabal eta anitz horren isla baino ez dira”.

Korrikan parte hartu duten herritar batzuei terrorismoa leporatzea “tristuraz” eta “kezkaz” bizi dutela adierazi dute AEK-k eta Korrikak. “Horrelako atxiloketek garai zaharretara eramaten gaituzte, alderdien arteko tirabiren jokoan eragiteko, besterik ez”.

Sortuk, bere aldetik, salatu du “Guardia Zibilak zenbait indar politikorekin elkarlanean hauteskunde-kanpaina baliatu nahi duela nahasmena eragiteko”. “Bake eta bizikidetza” agertoki baten alde egin du, non eskubide guztiak errespetatuko diren. Ezinezko agertokia, ordea, “presoen eskubideak etengabe urratzen badira eta egoera bidegabe hori salatze hutsagatik jendea atxilotzen badute”.  Gertatutakoaren aurrean, bakearen eta askatasunaren alde borrokan” jarraitzeko asmoa berretsi du Sortuk.

Atxiloketak “Euskal Herriaren asimilazio prozesu larriaren” baitan kokatu ditu Amnistiaren Aldeko eta Errepresioaren Aurkako Mugimenduak. Bide horretan “etsaiek errepresaliatuen despolitizazioa hil ala bizikoa” dutela nabarmendu du. Mugimenduaren ustez, horregatik ari dira Espainiako eta Frantziako Estatuak errepresaliatu politikoen existentzia eta izaera politikoa ukatzeko lanean “buru-belarri”. Atxiloketen aurrean, “errepresaliatu politikoen argazkiak erakusten jarraitzeko deia” luzatu du.

 

Kanal hauetan artxibatua: Euskal preso politikoak  |  Korrika

Euskal preso politikoak kanaletik interesatuko zaizu...
2022-09-28 | Etxerat Elkartea
Hamahiru euskal presori hirugarren gradua errekurritu die fiskalak

Eusko Jaurlaritzako Justizia sailak lau euskal preso politikori emandako hirugarren gradua errekurritu zuen Ministerio Fiskalak pasa den abuztuan.


2022-09-27 | Etxerat Elkartea
Beste 12 euskal preso hurbildu dituzte Euskal Herriko espetxeetara egunotan

Manex Castro, Oskar Zelarain, Jon Bienzobas, Xabier Garcia, Jon Rubenach, Unai Parot, Ainhoa Garcia, Alberto Lopez de Lacalle, Aitor Agirrebarrena, Jon Igor Solana, Juan Manuel Inziarte eta Jose Antonio Zurutuza dira Euskal Herriko kartzeletara ekarri dituztenak.


2022-09-22 | ARGIA
Ion Parot eta Jakes Esnal baldintzapean aske uztea onartu du Parisko Dei Auzitegiak

32 urtez espetxean izan diren bi euskal presoak askatzeko eskaera onartu du Parisko Dei Auzitegiak. Bake Bideak prentsaurrekoa eman ditu ebazpenaren inguruko xehetasunak eta balorazioa: "Etapa bat gainditu dugu".


2022-09-13 | ARGIA
Espainiako Auzitegiak behin-behineko askatasun eskaera ukatu dio Iratxe Sorzabali

Frantziako estatuan 7 urteko kartzela zigorra bete ostean, irailaren 9an Frantziak Espainiaren esku utzi du Iratxe Sorzabal euskal preso politikoa. Espainiako Auzitegiak 24 urte eta erdiko kartzela zigorra ezarri zion otsailean. Epai horren aurka helegitea jarria dute Sorzabalen... [+]


Crescendo

Indarturik atera da joan den uztailaren 23an Bakegileak, Ipar Euskal Herri osoan iragarritako blokeo egunak izandako arrakastari begira, eta indarberriturik ere atera dira militanteak ekimen horretan parte hartzeak sortu baitie griña eta gogoa. Ondoko hitzordua datorren... [+]



Irakurrienak
Argia buletina
Egunaren laburpena
zure e-postan
Eguneraketa berriak daude