Koronaz, zenbakirik gabe
Neurri gogorragoak eskatzen dituzten ahotsak aditzen ditut komunikabideetan. Nire apaletik eta nire ezjakinetik, hausnarketa paralelo edo zeharkako batzuk egin nahi ditut. Wuhango kaleetako irudi ikusgarriek, Txinako agintariek hartutako neurriek, jarraitu beharreko bidea erakutsi zieten mundu zabaleko gobernuei; erakutsi, lehenik eta behin –soka luzeko erakuspena–, ez dela, garai hau, eztabaida demokratikoa bezalako txorakerientzako garaia.
aurre egingo dieten hedabide independenteak
Ontzat eman zen alarma behar zela, osasun-instituzioetan ondo kokatutako espertoen iritzia. Gobernuek ez zuten aditu bestelako arrazoirik, gauzak bestela egitea proposatzen zutenen ahotsak eta datu basikoak, datu konparatiboak isildu zituzten; geroz goiti, koronabirusak eragindako kutsatuak eta hildakoak zenbatzera mugatu dira.
Arduradun politiko, mediku eta mediatikoek ez digute gogorarazi koronabirusak betidanik kutsatu izan dituela gizakiak. Ez digute gogorarazi neguero sasoi-gripeak jota zenbat jende eritzen eta zentzen den. Egun-eta-berealdiko birus inauditoki arriskugarriaren bertsioa eta alerta-estatuaren beharra dudan jartzea izango zen.
Ezin da eztabaidatu. Ezin da pentsatu. Aginduei segitu, besterik ez dugu. Ohiko gerretan bezala, isilarazi egiten dira agintearen estrategiarekin bat egiten ez duten ahotsak.
"Beldurra birusari, beldurra aldamenekoari, ziudadano ona ez izateari beldurra... Literaturako hil-bizikoek daukatena bezalako beldurra: erabat hiltzeari bezain, erabat bizitzeari beldurra"
Esaten dutenak, nahikoa zatekeela, epidemia honi aurre egiteko, kontuz ibiltzea eta gutxieneko gomendio batzuei kasu egitea. Esaten dutenak, birus hau ez dela inoizko hilgarriena, eta berak eragindako heriotzak ez direla beste edozein gaitzek eragindakoak baino deitoratzekoagoak. Esaten dutenak, garapen-modeloan bilatu behar direla kausak, eta haren norako-aldatzean, soluzioak. Esaten dutenak, gaitza bera baino, okerragoak izaten ahal direla hartzen diren erremedioak. Esaten dutenak, beldurra dela benetako gaitza...
Beldurra birusari, beldurra aldamenekoari, ziudadano ona ez izateari beldurra... Literaturako hil-bizikoek daukatena bezalako beldurra: erabat hiltzeari bezain, erabat bizitzeari beldurra.
Galarazi digute ezezagunekin hitz egiten, lagunak besarkatzen, gaixoak artatzen, familiarekin egoten. Sarritan minduta baina, denei uko egiteko prest egon gara, inor kutsatzeko edo gu geu gaixo erortzeko arriskuaren aurrean. Esaten dugu: “Auzolaguna kutsatzen badut...” Edo: “Ez nioke neure buruari barkatuko, ama kutsatzea”, sinisturik-eta guztiz probablea dela kutsatzea... egiatan, agidanez, zentzuzko neurriak hartuta, oso inprobablea denean.
Nola aldatu diren, kolpez, gure sentimenduak...! Niri, halako larritasuna etorri zait; begitandu zait, ihes egiterik ez dagoen bide batean gabiltzala... Gainetiko balore guztien gainean jarri da superbibentzia.
"Ez naiz ikaragarri hipotesizalea, baina gertaldi hauen atzean, osasun-industrien eskua, estatuek beren burua arraindartu nahi izatea eta, denak bat, esperimentu sozial handia ikustea, ez zait gehiegikoa iruditzen"
Ez naiz ikaragarri hipotesizalea, baina gertaldi hauen atzean, osasun-industrien eskua, estatuek beren burua arraindartu nahi izatea eta, denak bat, esperimentu sozial handia ikustea, ez zait gehiegikoa iruditzen. Eskala orain arte ezezaguneko esperimentua, izu-pelikuletan baino ikusi ez genituen eszenak eragiten ari dena gure artean. Milaren artean, ondorio prebisible bi: gero eta kontrolatuago egongo gara, eta, gero eta gehiago, on-line biziko gara.
Egun hauetan, akaso arruntean baino gehiago, elkartzen eta elkarrengandik bereizten gaituzten makinei begira gaude; nire iritzi apalean, espiritu ireki eta kritikoak izateko trabagarri zaizkigunak. Makinaren baitakoagoak izan, eta nekezago izango zaigu diktaduraren eta gezurraren mundutik askatzea. Aditu dugu, koronaren aitzakian, kolpean, libertaterik oinarrizkoenak ezabatu dituztela... Ez da, behintzat, kolpean izan: lurra landuta zegoen.
Makinatuta, bakanduta, sometituta... Kondizio guztiak ematen dira, ohiz kanpokoa arruntu dadin. Zergatik ez, datorren urtean, beste birus bat etortzen denean...? Ez da jadanik izango, Txernobilen izan zen bezala, behar biziz, ezpada, orain ezkero... halabeharrez. Aste hauetako agin-hitza: bakartzea, bera da oroz gain saihestu behar duguna. Gure hitzak, berriz, beldurretik, obedientzia itsutik, bizitza eurekin daramakiguten makinetatik apartatzea, eta elkarrengana biltzea, izan behar lukete.
Ero-hitzak, honenbestean; badakit.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Komisaldegian paper batzuk eman dizkidate. Izerdi tanta bakarra dakit bekokian behera bularreraino, piztu aire girotua, mesedez. Parrandan ondoegi pasatzearen asuntoak, hurrengo goizean galdutakoak salatu beharra. Inozo aurpegidun munipa batek hurrengo asterako zita eman ahal... [+]
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]
Inoiz Erdi Aroko etxe museifikaturen batean egon bazarete, etxeko altzarigintza egurrezkoa, berniz ilunekoa eta dekorazio landuarekin egina zela konturatuko zineten. Eta etxearen dekorazioari dagokionean, deigarriena da zeinen altzari gutxi zituzten edozein gela motan, baita... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
