Nekane Murga Osasun sailburuak maiatzaren 30ean emandako datuen arabera, "Osakidetzak goizeko txandan jarduera kirurgikoaren ia %100 berreskuratu du". Ez du zehaztu zenbat ebakuntza egiten diren goizeko txandan eta zenbat arratsaldekoan. Aurreratu du "ekainean arratsaldean ere ebakuntzak programatzen hasiko" direla.

Onartu du kanpo-kontsultek eta proba osagarriek pandemiaren aurreko martxara iristeko gehiago falta dutela: %40-%70ekoa da egungo jarduera.

2019an zenbat ebakuntza, kontsulta eta proba osagarri egin ziren?

2019an 152.209 interbentzio kirurgiko egin ziren, egindako proba osagarriak 430.113 izan ziren eta ospitaleetan egindako kontsultak 4 milioi eta erditik gora izan ziren. Hiru kopuru horiek urtez urte gora egin dute azken bost urteetan. Osakidetzaren 2019ko memorian kontsultatu daitezke datu guztiak.