Kordobako udalak Cosmos zementu fabrikari hondakinak errausteko baimena ukatu dio

  • Kordobako (Andaluzia) udaleko Hirigintza batzordeak Cosmos porlan fabrikari ukatu egin dio zementua ekoizteko erregai gisa hondakin ez arriskutsuak erabiltzea. Udalak, aldi berean, abian jarri du dagoenekoz hondakinak erretzen hasia den enpresak jarduera hori eten dezan prozesua.


2018ko azaroaren 15an - 15:50
Kordobako Cosmos zementu fabrika. (Argazkia: Diario de Cordoba)

Kordobako udalak (Izquierda Unidak dauka alkatetza) adierazi du erabakia hartzeko Osasun zerbitzuari eskatutako informean eta gaurko legedian oinarritu dela. Cosmos zementu fabrikak, aldiz, jakinarazi du erabakia iristen zaionean helegitea jarriko duela. Prentsan ageri denez, eskuinak haserre biziz erantzun dio ezkerreko udalaren erabakiari.

Kordobako zementugilearen egoera nahiko bitxian dago. 2016tik ari da hondakinak erretzen Andaluziako gobernuak emandako ingurumen baimenean babestuta. Aldiz, baimen horrek udalean egin beharreko espedientea ez duela osatu eta, Kordobako herriko etxeak espediente bat ireki zion joan den urtarrilean, baimen guztiak gabe ez aritzeagatik, eta Cosmos ohartarazi zuen neurri zorrotzagoak hartzearekin. Orain Diario de Cordobak zabaldu du azkenean baimena ukatu egin diola.

Inguruko herritarrek eta ekologistek askotan eskatu izan dute Kordobako zementu fabrikaren jarduera estuago kontrolatzea:

Mundu osoan zementu fabrika askok jo dute hondakinak erretzera, alde batetik erregai merkea eskuratu nahian eta bestetik energia berriztagarrien arautegietako zirrikituak baliatuz errausteagatik primak eskuratzeko. Euskal Herrian bertan, Bizkaian Arrigorriaga –Cementos Rezola– eta Lemoako –Cementos Lemona– eta Gipuzkoan Donostiako –Cementos Rezola– porlandegiek erretzen dituzte hiri hondakinak.


Kanal honetatik interesatuko zaizu: Errausketa
2023-09-08 | ARGIA
Errausketaren aurkako giza katea antolatu dute Kontxako estropaden egunean

Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko... [+]


2023-08-04 | Ilargi Manzanares
GHK-k onartu du aurrez tratatu gabeko hondakinak errausten aritu dela 42 egunez

“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.


2023-05-28 | Zero Zabor
Agur, Iñaki Usabiaga

Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin solasean erraustegiraino mendiz egindako martxan, 2018an.


2023-04-24 | Zero Zabor
Paris hiriburuko oilategietako arrautzak ez jatea gomendatu dute agintariek, dioxina, furano eta PCBz kutsatuta daudelako

Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek berretsi du aurretik ToxicoWatch fundazioak beste ikerlan... [+]


2023-02-27 | Zero Zabor
PFAS toxikoak kontrolik gabe hedatzen ari direla eta, Europako Batzordeak horien arautzeari ekin dio

Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak (konposatu per- eta polifluoratuak, ingelesez ‘Per- and polyfluoroalkyl... [+]


Eguneraketa berriak daude