Agertu da ministroa

eta montatu du kristoa:

antza estatu arazoa da

gure tripa azpikoa!

“abortoa gaizki dago

inmorala da”, akabo!

Gure gorputzaz omen dakite,

guk baino askoz gehiago!

Gero umeren bat txarto

badago gaixo delako

osasungintza murrizten dute

berdin-berdin zaielako.

Gallardón bai zentzuduna!

Emakumeon laguna!

Badaki antza tutore gabe

gaizki egingo duguna!

Esaten digu: lasaitu!

inork ez gaitzan epaitu:

guk ez dugu nahi, baina dekretuz

“biktima” egingo gaitu.

Ez du ulertuko sekula

benetako pelikula:

ez errudunak, ta ez biktimak

libre izan nahi dugula.