Klima aldaketaren eraginak atzeraezinak izango dira 30 urte barru
Lurraren tenperatura bi gradu gehiago igotzen bada, 2050. urterako ezin izango zaio aurre egin klima larrialdiari. Nazio Batuek onartu duten txostenaren arabera, neurri zorrotzagoak ezarri behar dira hori ekiditeko.
aurre egingo dieten hedabide independenteak
Klima aldaketaren eraginak atzeraezinak izango dira 2050. urterako, neurri zorrotzagoak ezartzen ez badira. Ur eskasia eta elikagai falta larriak egongo dira eta hainbat bizidun espezie desagertuko dira 30 urteren buruan. Animaliak eta landareak ekosistema berrietara egokitu daitezkeen arren, gizakiek ezin izango diote egoerari eutsi. Horrela adierazi du NBEren Klima-aldaketari buruzko Gobernuarteko Adituen Taldeak, 4.000 orrialdeko txostenean.
Txostena NBEko 195 estatu kideek sinatu dute, baina ez dute publiko egingo datorren urteko otsailera arte. 2021aren amaieran, klima aldaketari eta biodibertsitateari buruzko nazioarteko batzarrean bilduko dira, eta orduan erabakiko dute zein neurri ezarri txostenean aurreikusitako larrialdi egoera ekiditeko.
Indarrean dauden arauak malguegiak direla esan dute. Duela hamar urte ezarri zuten lurraren tenperatura, gehienez ere, bi gradura arte igo zitekeela, baina txostenean esan dute 1,5 gradura igoko balitz ere, arazoak atzeraezinak izango liratekeela. Gainera, egungo joerarekin, hiru graduko igoera espero da 2050. urtearen bueltan.
Tenperatura bi gradu igoz gero, hemendik 30 urtera 130 milioi biztanle egongo dira muturreko pobrezian; egun baino 80 milioi pertsona gehiago egongo dira gosez; eta 400 milioi lagunek izango dute ur falta. Era berean, 420 milioi pertsonek pairatuko dituzte muturreko kanikulak eta beste hainbat katastrofe natural: lehorteak, zikloiak, suteak zein uholdeak. Bereziki, Brasilgo ekialdean, Asiako hego-ekialdean eta kostaldeko guneetan izango dute horrelakoak sufritzeko arrisku gehien.
Amazonia sabana bilakatuko dela azaldu dute txostenean, eta Groenlandiako eta mendebaldeko Antartikako glaziarrak urtzeak itsasoaren maila 13 metro igoko duela gehitu dute. Horrek guztiak hainbat animali eta landare espezieren bizilekuak kaltetu eta desagerraraziko ditu.
Klima aldaketaren konferentzia
2021eko urriaren 31tik azaroaren 12ra bitartean egingo da Glasgown NBEren klima aldaketaren nazioarteko urteroko konferentzia. Mende erdialderako, tenperatura igoera 1,5 gradutan mantentzeko arauak proposatzea izango da helburu nagusia.
Berotegi gasen emisioak eta atmosferaren kutsadura murriztu egin diren arren, ingurumenaren egoera ez da ona Europan, kontuan harturik naturaren degradazioak, gehiegizko ustiapenak eta biodibertsitatearen galerak dakartzaten ondorioak, Europako Ingurumen Agentziak bost... [+]
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Azken urteotako uda bukaera guzietan bezala, Ipar hemisferioko suteen kalteak zenbatzen ari gara, eta zenbakiak ikusi arren, oraino zaila zaigu arazoaren munta eta horri loturiko arriskuaren ezaugarriak ulertzea. Halere premiazkoa da, horren arabera lurraldeak prestatu beharko... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
"Berdela iparralderantz ari da mugitzen, itsasoa berotzeak sardinari ez dio on egiten eta geroz eta gutxiagoa dago, antxoarentzat ona da eta geroz eta gehiago dago, baina txikiagoa da...", dio Aztiko ikerlari Xabier Irigoienek, EITB Datak tenperaturaren gorakadaz egin... [+]
Abuztuan 411.000 hektarea baso eta lursail erre dira León, Asturias, Ourense, Cáceres eta Zamoran. Bizkaiko eta Gipuzkoako azalera osoa beste. Irmotasunez esan dezakegu muturreko baldintza meteorologikoek sutu zituztela suteak, berotze global antropogenikoaren... [+]
Paul Moal-Darrigade ozeanografoak "Itsas korronteak eta klima aldaketa" bere tesia aurkezten du Donapaleun Otsail Ostegunak hitzaldi zikloaren baitan, eta Kanaldudek jaso du solasaldia bideoz.
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Bizi mugimendua, Nicolas Goñirekin. Bizi mugimendua 2009az geroztik ari da klima larrialdiaren aurka borrokan Ipar Euskal Herrian. Erradikal eta pragmatiko, herrikoi eta anbiziodun, garaiek eskatzen duten mugimendua izan nahi du Bizik. Nicolas Goñirekin aritu gara,... [+]
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.