Kongresuko kronistek azpimarratu dutenez, ordea, Pablo Casado ez da zezenkote oldartu Pedro Sánchez Espainiako Gobernuaren aurka, ohi duen moduan. Agur hitzaldia izan da, politikaren printzipio orokorrak goraipatuz, eta Sanchezi eskatuz ez dezala politikaren posizio zentrala utzi, eta eskatuz ez duela Espainian sinesten ez dutenen eta haren aurka atentatu zutenen aliantzarik behar: “Espero dut gobernua jarriko dela interes orokorraren zerbitzura, Espainiako batasunarekiko eta espainiar guztien berdintasunarekiko begirunez”.

Bere taldeko diputatu gutxi batzuek txalo txikiekin hartu dute aretora sartu denean, baina alderdikideek jarraitu ez dutenez, berehala isildu dira. Alderdikidez inguratua zegoen, baina ia bakar-bakarrik, azken egunetan orduek aurrera egin ahala areagotu egin den bakardadea. Bederazi minutuko hitzaldia irakurri du eta ziztu bizian aldegin du, oraingoan bai, taldekoen txaloen artean, agur txaloak, apalak, hitzaldi sutsuen ondoren eskaini dizkioten haiekin zerikusirik ez dutenak.

Azkenenera arte lagundu duten gutxien artean zegoen Ana Beltrán parlamentaria eta Nafarroako PPko lehendakaria. Azken egun hauetan eskandaluzkoa izan da nola alderdikideek ordutik ordura bakarrik utzi duten Casado, baita gertukoenak izan direnek ere. Eta Beltran, Cope irratian egindako elkarrizketan, minduta agertu da jarrera horrekin: “Harrituta eta minduta nago. Banan-bana, bakarrik utzi dute. Horrek politikan gustuko ez dudan aldea ikusarazten du”.

Eta orain zer?

Orain bakarrik falta da Casadok bere dimisioaren berri ematea. Gaur arratsean du bilera alderdiko buruzagiekin eta askok eskatzen diote orduan iragarri dezala dimisioa, “alderdiko odolustea geldiarazteko”. Berak, aldiz, gaur iragarri bai, baina asteartean egingo den Nazio mailako Zuzendaritza Batzordean eman nahi omen du dimisioa. Orduan iragarriko da PPren ezohiko kongresua; han, duintasunez, agur hitzaldia egingo luke eta listo, bukatua PPko presidente batek egindako agurrik tristeena. Hala ere, oraindik ikusteko dago, asteazken hau pasatuko duen bere dimisioa aurkeztu gabe, presioak gero eta handiagoak dira eta.

Entiendo la política desde la defensa de los más nobles principios y valores, el respeto a los adversarios y la entrega a los compañeros.

Todo para servir a España y a la causa de la libertad porque ese es el futuro que merecen nuestros hijos y que debemos construir todos juntos. pic.twitter.com/c9E810peQZ

— Pablo Casado Blanco (@pablocasado_) February 23, 2022