Trikitilari bilbotarra Belgikara joana zen, asteburuan Bruselan kontzertu bat eskaintzeko. Ezbeharraren ondorioz, kontzertu hori bertan behera geratu zen eta, musikariaren inguruko iturriek Deia egunkariari azaldu diotenez, programatuta zeuzkan hurrengo kontzertuak ere ez dira egingo, besteak beste Derion eta Gasteizko Artiumekoak.

Uda honetan nazioarteko kontzertu-bira egin du Junkerak, Europako hainbat herrialdetan barrena (Portugal, Danimarka eta Polonia bisitatu ditu) eta 2019ko urtarrilean ere Eskozian zita bat hitzartuta zeukan.

Gainera, aurtengo maiatzean Unai Basurko itsasgizonarekin batera egindako zeharkaldiari buruzko dokumentala aurkeztu berri du. Alboko esklerosi amiotrofikoaren arazoaz kontzientziatzeko asmoa daukan ikus-entzunezko lan hori Josu Martinezek zuzendu du eta Bilbotik hasita Galiziaraino eraman ditu partaideak itsasontzian.