Eleuterio Tapia, bi bihotz zituen perfekzionista

  • Eleuterio bera zen festa liburua aurkeztu dute Asteasun; trikitia, lagunak eta senideak elkartu dira, Eleuterio Tapiaren argitalpenaren aitzakian.

Tolosaldeko Ataria @tolosaldeataria
2018ko abenduaren 05a
Eleuterio Tapia (1926-1988) Euskal Herriko trikitilari ezagunenetakoa izan da. (Argazkia: Ataria)

Bi bihotz omen zituen Eleuterio Tapia zenak: trikitia eta herri kirolak. Eta, bietan ere, fin-fin aritu zela dio historiak; perfekzionista sena bere-berea zuela diote senideek. Eleuterio bera zen festa liburua aurkeztu dute Asteasun, Euskal Herriko Trikitixa Elkarteak eta Asteasuko Udalak, eta ekitaldia gidatu dute Pili Legarra Asteasuko alkateak, Joxean Agirre liburuaren egileak, Juan Tapia Eleuterio Tapiaren ilobak eta Agurtzane Elustondo Euskal Herriko Trikitixa Elkarteko presidenteak. 

Pili Legarrak eskerrak eman dizkio liburuaren egileari, eta familia zoriondu du, azpimarratuz, "gaur egungo trikitia ulertzeko oinarriak" ezarri zituela Tapiak. Bide horretan, hizlari guztiek azpimarratu dute liburuko protagonistaren pedagogiarako trebezia: aitzindari izan zen trikitia irakasten, Usurbilgo Kalexarren. "Ez da kasualitatea soinu jotzaile onenetarikoa bere eskuetatik pasatu izana". 

Transmisio horretan, Eleuterio Tapiaren garaiko gizartea ere islatzen dela uste dut Agurtzane Elustondok, eta azpimarra jarri dio mandio erromerietako giro matxistari: "Alabek zaletasuna eta gogoa omen zuten trikitia ikasteko, baina garai hartan emakumeek ez zuten soinua jotzen. Hala esaten omen zien alabei: 'Emakumeak zertarako behar din soinua?'. Eta, kontraesanak kontraesan, gero bera izan zen emakume bati trikitia jotzen irakatsi zion lehena". 

Hain justu, Joxean Agirre idazleak historiaren garapenarekin lotu du Eleuterio Tapia beraren garapena ere: "Mandioko erromerietako giro hartan, denek egiten zuten zerbait, dantza edo jo; modu aktiboan kontsumitzen zuten trikitia. Eta, gerraondoan, berriz, jendea eserita hasi zen trikitia kontsumitzen, modu pasiboan. Berak asmatu zuen bietara egokitzen". 

Agirrek irribarrez azaldu du, "oso erraza" suertatu zaiola liburua idaztea, Tapiaren senide eta lagunengatik: "Pertsonaiak berak interesa pizten zidan, baina bere ingurukoengandik izugarri ikasi dut, oso jende elegantea da, maila handikoa, eta esaten zidaten guztiak balio zidan liburuan txertatzeko". 

Eleuterio bera zen festa argitalpena Soinuaren liburutegia bildumako hamalaugarren alea da, eta Euskal Herriko Trikitixa Elkarteak lurraldetasunari keinua egin nahi izan dio lana onduz, Asteasu inguruan trikitiak beti izan duen eskola aitortuz. 

Liburuarekin batera disko bat ere badu argitalpenak, Eleuterio Tapiari grabatuko kantu bakanetakoekin: "Grabazioak egiteko uzkurra zen, ez zitzaion gustatzen hori betirako hor geratzea". Haren estilo bizia eta pertsonala oso bereziak zirela baieztatu dute gaurko aurkezpenean, eta argitalpen hori izango da, horren lekuko. 

Albiste hau Tolosaldeko Atariak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Trikitia

Trikitia kanaletik interesatuko zaizu...
2018-12-11 | ARGIA
Kepa Junkerak iktus bat jasan du Belgikan eta ospitaleratuta dago

Kepa Junkera musikaria Belgikako ospitale batean dago, joan den asteazkenean iktus bat jasan ondoren. Ebakuntza egin zioten eta ingresatuta dago, EITBk informatu duenez.


Joseba Tapia, musikaria
"Guk kultutzat ditugun tresna asko larreko ikusten dira beste tokietan"

Elgeta handia hil zen urtean jaio zen Joseba Tapia handia, Eleuterio Tapia handiaren iloba. Denak handi, soinu txikia jotzen handi, soinu txikiaren poz handitasuna aldarrika han eta hemen eta munduan barrena, Besamotzak disko berrian nahiz Larreko eskolatik liburuan.


Azkenak
EGILEA
Eguneraketa berriak daude