ARGIA.eus

2020ko urriaren 25a

Kepa Junkera omenduko du Kataluniako TradicionÓrius festibalak, iktusa jasan zuenetik urtebetera

  • Ostiral honetan hasiko da Bartzelonan Tradicionàrius nazioarteko folk jaialdia. Aurtengo edizioak Kepa Junkera musikari bilbotarra omenduko du, beren beregi sortutako Kepa aurrera ikuskizunarekin.

ARGIA @argia
2020ko urtarrilaren 10a
Kepa Junkerak iktusa jasan zuen 2018ko abenduan eta errekuperatzen ari da. Ostiral honetan Katalunian omenaldia egingo diote.

50 talde eta bakarlari eta 70 jarduera baino gehiago: urtea hastearekin batera Bartzelonan antolatzen duten Tradicionàrius festibala ezinbesteko zita da Herrialde Katalanetako folkaren zaleentzat. Aurtengo edizioa irekiko duen kontzertuko protagonista, ordea, Euskal Herriko musikari bat da: Kepa Junkera. Jaialdiak Bilboko trikitilaria omendu nahi izan du, 2018ko abenduan jasan zuen iktusaren ondoren.

“Kepa lagun handia da, aspalditik kolaboratzen du gurekin eta aitortza egin nahi izan diogu”, azaldu dio Ara egunkariari jaialdiko antolatzailea den Jordi Fàbregasek. Junkerak festibalean egon nahi lukeela ere adierazi du, baina ez dela posible izango. “Haren musika bai, egongo da”, erantsi du Fàbregasek.

Kataluniako hainbat musikarik parte hartuko dute Kepa aurrera ikuskizunean, gehienak Junkerarekin kolaboratzen aritutakoak. Ikuskizunaren bigarren zatian berriz, protagonismoa hartuko du Gaizca Project taldeak, zeinak Euskal Herriko, Galiziako eta Kataluniako musika tradizioak uztartzen dituen.

Gainera, Josep Tomàs argazkilariak Junkerari egindako argazkiz osatutako erakusketa ere antolatu du festibalak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Trikitia  |  Folklorea  |  Bartzelona

Trikitia kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude