Kataluniako erreferendumaz lehen inkesta: %64ko parte-hartzea eta baiezkoa aurretik

  • Bi hilabete geratzen direnean Carles Puigdemont President-ak deitutako urriaren 1eko erreferendumerako, Ara egunkariak lehen inkesta argitaratu du galdeketaz. %64ko parte-hartzea aurreikusten dute, horietatik %42,3ak baietzaren aldeko botoa emango luke eta %38,9ak ezezkoa.


2017ko uztailaren 21an - 09:34

Kataluniako Gobernuaren lehen helburua beteko da, itxura guztien arabera; parte-hartze esanguratsua izatea. Bozka ematera joango dela segurtatu du %54,9ak, eta %9,3ak esan du ziurrenik parte hartuko duela. Guztira %64,2; alegia, Kataluniako hauteskundeen bataz bestekoaren barruan.

Inkesta erantzun dutenen artean daude urriaren 1ean parte hartzeko asmoa dutenak eta ez dutenak, baina guztiei galdetu zaie zer erantzungo luketen. Boto intentzioak erakusten du %42,3ak baiezkoa erantzungo lukeela eta beheraxeago baina 3,4 puntuko aldearekin soilik, %38,9ak esan du ezezkoa emango lukeela. 18 eta 34 urte bitartekoen artean baiezkoaren aldea handiagoa da, 10 puntukoa.

Galderari emango lioketen erantzuna kontutan hartuta ateratzen dira emaitza justu hauek, baina kontutan hartuko balira galdeketan parte hartzeko asmoa dutenen erantzunak soilik, independentziaren aldeko jarrera askoz ere altuagoa da. Gaur gaurkoz galdeketan parte hartzeko asmoa dutela adierazi dutenen erantzunak soilik izango bagenitu kontutan, baiezkoa %67k emango du eta ezezkoa %19ak.

Horrez gain, independentziaren afera bideratzeko erreferendumaren alde agertu da %68,5. Kontra, berriz, %26,5.

2015eko azaroaren 9ko galdeketarekin alderatuta, ordea, ezezkoaren mobilizazioa da desberdintasun handietako bat. Oraingo honetan independentziari 'ez' esango lioketenen artean %34,7ak erreferendumean parte hartzeko asmoa adierazi du.


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude