‘Roundup’ak kantzerra eragiteagatik bigarren aldiz kondenatu dute Monsanto-Bayer AEBetan

  • San Franziskoko (Kalifornia, AEB) epaitegi batek ebatzi du Monsanto –gaur Bayer multinazionalak erosia– dela  Edwin Hardeman 70 urteko nekazariak nozitzen duen minbiziaren errua, bere linfoma Roundup (glifosatoa) erabiltzeak eragina.


2019ko martxoaren 20an - 12:54
Edwin Hardeman nekazariak 'Roundup' glifosatoa erabili zuen sastraka eta belar txarrak ihartzeko. (Argazkia: CBS)

Bigarren zigor historikoa jaso zuten atzo, martxoak 19, Monsantok eta honen erosle berria den Bayer multinazionalek. Lehenbizikoa 2018an nozitu zuen, Kaliforniako herritarrez osatutako epaimahai batek Dewayne Lee Johnsonen minbizia lotu zuenean baratze eta soroetako belar txarrak hiltzeko erabiltzen den glifosatoa –komertzialki gehien bat Roundup izenez ezaguna– minbiziarekin.

Edwin Hardeman, eskuinean, bere abokatuekin.

Oraingoan kimikaren erraldoiak auzia galdu du Edwin Hardeman 70 urteko nekazariaren aurrean. Hardemanek 1980tik hasita 2012a arte erruz erabili zuen Roundup-a 22 hektareako bere etxaldean, ustez belar txar eta sasiak ihartzeko. 2015ean sendagileek ez-Hodgkin linfoma bat diagnostikatu zioten eta urte bete beranduago erabaki zuen Monsanto auzitara eramatea, korporazioari aurpegiratuz mundu osoan arrakastaz saltzen duen bere produktu izarraz "informazio faltsu eta gezurtiak" eman izana.

 


Kanal honetatik interesatuko zaizu: Glifosatoa
Lobbygintza toxiko bat dago glifosatoa baimentzeko Europaren erabakiaren gibelean

Glifosato herbizida erabiltzeko baimena beste hamar urterentzat luzatu zuen azaroaren 16an Europako Batzordeak. Erabaki inkoherentea, ikusirik produktuaren toxikotasuna frogatzen duten ehunka ikerketa zientifiko daudela publikaturik. Inkoherentea ere, jakinik AEBetako 113.000... [+]


Glifosatoa beste hamar urtetarako baimendu dute: “Osasun publikoa eta biodibertsitatea arrisku handian daude”

Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]


2023-10-04 | Euskal Irratiak
Glifosatoaren baimentzea
“Laborariengan minbizi gehiago atzematen ohi dira, produktu kimikoen erabileraren ondorioz”

Glifosatoa baliatzeko hamar urteko luzapena babestu du Europako Batzordeak. Herbizida gisa munduan gehien erabiltzen den produktu kimikoa da, eta potentzialki minbizi sortzaile izateagatik ezaguna da.


Glifosato herbizida debekatu duen lehen Europar Batasuneko herrialdea da Austria

Austria glifosatoa debekatu duen Europar Batasuneko lehen herrialdea da. Alderdi sozialdemokrataren iniziatibaz onartu da neurria, eta FPÖ alderdi ultraeskuindarraren, liberalen eta Jetz alderdi progresistaren aldeko bozek lagundu dute onartua izateko.


Eguneraketa berriak daude