Kantonamenduak berrantolatzeko PSren planak ez ditu Euskal Herriko mugak errespetatzen

  • Ipar Euskal Herriko kantonamenduen berrantolaketarako Alderdi Sozialistak egin duen proposamena kritikatu du hainbat eragilek, ez lituzkeelako Euskal Herriko mugak errespetatuko.


2013ko urriaren 31n - 00:00
Azken eguneraketa: 2015-02-26 13:37:33
Salbaterra-Bearno eta Nabarrengose Donapaleuko kantonamenduan sartzea proposatu du PSk. Gorriz, kantonamendu berrien mugak. (Irudia: Euskal Herriko Kazeta)

Donapaleu eta Iholdiko lurraldeak Biarnoko Nabarrengose eta Salbaterra Bearnorekin elkartuko lirateke. Pirinio Atlantikoetako Kontseilu Nagusiko presidentearen hitzetan, Frantziako Gobernuaren helburua da Biarnoko eta Ipar Euskal Herriko kantonamenduen artean eremu komun bat sortzea.

La Republique des Pyrinees eta Euskal Herriko Kazeta egunkarien arabera, prefetak azaroaren 15ean aurkeztuko du kantonamenduen berrantolaketarako plana, Pirinio Atlantikoetako Kontseilu Nagusian.

2013o maiatzaren 17ko legeak aurreikusten dituen erreformak medio, Frantziako Estatuko kontseilari kopurua erdira jaitsi beharko da, eta horretarako beharrezkoa da kantonamenduak berrantolatzea. Erdira murriztuko dira, gutxi gorabehera. Pirinio Atlantikoetan, esaterako, 52 kantonamendu daude –haietatik 21 Ipar Euskal Herrian–, eta 27ra murriztuko dituzte.

Daniel Olzomendi Udalbiltzako lehendakariorde eta Izurako auzapezak gogor kritikatu PSren proposamena, Kazeta.info-k jaso duen moduan: "Onargarria denaren muga gainditzen ari dira. Euskal lurralde elkargoaren aldarrikapenaren bidea oztopatzeko gogoa agertzen da proiektu horretan".

Auzapezen Biltzarrak, bestalde, "Euskal Herriaren lurraldetasuna errespetatzea" eskatu du.

Jean-Jacques Lasserre Hautetsien Kontseiluko presidenteak, Forces 64 alderdiaren izenean, esan du erreforma "lotsagarria", "eskandalagarria" eta ganibetaz mozturikoa dela.

UMPko Max Brissonek salatu duenez, "lehen aldizkotz Frantses iraultzatik kantonamendu euskal-biarnesa izango genuke".


Kanal honetatik interesatuko zaizu: Ipar EH-ko politika
2024-01-31 | Euskal Irratiak
Peio Etxeberri Aintxart
"Estatuak heriotza heroikoa eskaini zion gainbeheran zen Enbatari"

Mende erdia bete da Enbata legez kanpo ezarri zutenetik. Frantziako gobernuak Enbatak Hego Euskal Herriko ETA erakunde armatuarekin zuen balizko lotura ezarri zuen estakuru bezala. Horren ondorioz,Ipar Euskal Herriko lehen mugimendu abertzalearen azken kideak HAS Herriko Alderdi... [+]


2023-12-20 | Euskal Irratiak
Dominika Daguerre
"Hiru urtez, GALen atentatu bat jasan genuen hamabost egun guziz Iparraldean"

Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]


2023-11-09 | Euskal Irratiak
Europako 10 milioi euro zuzenean kudeatuko ditu Euskal Hirigune Elkargoak

Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.


2023-11-06 | ARGIA
Bagira prozesua
Ipar Euskal Herriko abertzaleek aurrera begirako erronkak zehaztu dituzte

Bagira prozesuak Ipar Euskal Herriko mugimendu abertzaleak etorkizunera begira hartu beharreko orientabideen inguruko gogoeta egin du, eta ondorio nagusiak aurkeztu berri ditu. Inkesta 1.500 pertsonak erantzun dute. Mugimenduaren erronka nagusi izango diren bost gai zehaztu... [+]


Espagnac, Brisson eta Saint-Pék segituko dute Ipar Euskal Herriko senatari izaten

Azken sei urteetan senatari izandakoek segituko dute Frantziako Senatuan: Frederique Espagnac (Alderdi Sozialista, ezkerra), Max Brisson (Errepublikanoak, eskuina) eta Denise Saint-Pé (Modem, zentroa). Hauteskunde horietan ez dute zuzenean herritarrek bozkatzen eta... [+]


Eguneraketa berriak daude