Hartuemana liburuxkak kritika eta autokritikaren kulturan ekarpena egitea du helburu.
Iskanbila argitaletxea jaio da, “argitaletxe herrikoi eta xumea” sortzaileen hitzetan, eztabaida eta formakuntzaren arlotik ekarpena egiteko asmoarekin. Hilabeteetako prozesuaren ondoren aurkeztu dute proiektua, “ideien gudan” sakontzeko, eta Euskal Herrian gaur egun puri purian dauden eztabaidak elikatzeko. Iskanbilaren asmoa elkarrizketa sakonak, formakuntza politikorako testuak, itzulpenak eta bestelakoak eskaintzea da.
Lehenengo alea: Hartuemana
Argitaletxearen lehenengo alea aurkeztu dute: «Hartuemana, kritika eta autokritikaren bitartez kidetasunean sakontzeko tresna”. Kritika eta autokritikaren garrantzia aztertzen da bertan, mugimendu iraultzaile ezberdinen esperientzietan oinarrituta. Proposamen praktiko bat ere badakar, militantzian eta kideen arteko harremanetan horrelako dinamikak garatzeko laguntza gisa.
Liburuxka hau Errekaleorreko Herri Inprentan ekoiztua izan da. Hala Bedi Tabernan erosi daiteke, euro baten truke. Oraingoz Hartuemana bakarrik aurkeztu badute ere, tarteka Iskanbilaren ale berriak argitaratuko dituztela aurreratu dute, gai ezberdin bat landuko du atal bakoitzak.
Argitaletxeko kideekin kontaktuan jartzeko emaila ere jakinarazi dute, iskanbila@protonmail.com helbidean topatu daitezke, galderak edo iradokizunak egiteko: “Har ezazu zure iskanbila eta gogoratu: Irakurri eta pasa!”.
Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]
Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.
Mundualdi honen soinu-banda osatzen duten abesti gehien-gehienek propio filmatutako irudiak izan ohi dituzte: bideoklipak. Musikariengandik oso gertu, ikus-entzunezko egileen belaunaldi gazteago batek lan horretan aurkitu du zineman edo telebistan ez duen hori: trebatzeko... [+]