Kairoko kaleetan jarraitzen dute Morsiren aldekoek, asteburuko sarraskiaren ondoren

  • Rabá al-Audawiya meskitaren inguruan segitzen dute, kanpatuta, Anaia Musulmanetako kideek. Laurogei hildako zibil utzi ditu asteburuak zifra ofizialen arabera, baina Morsiren itzulera eskatzen jarraituko dutela esan dute presidente ohiaren jarraitzaileek.


2013ko uztailaren 29an - 00:00
Azken eguneraketa: 2015-02-26 13:37:33
Mohamed Morsiren aldeko 80 manifestari hil dira larunbatean izandako liskarretan.

Larunbat goizaldera izandako istiluek ez dute erantzun handiegirik jaso orain arte estatu kolpea babestu dutenengandik. Salbazio Nazionaleko Fronteak liskarren errudun Anaia Musulmanak egin ditu, “euren arduragabetasunagatik”. Mohamed el Baradei presidente ordeak asteburuko “indar gehiegikeriak” kondenatu ditu. Europar Batasunak ere bake eta elkarrizketarako jarrera hartzeko eskatu du.

Bitartean ordea, Kairon tentsioak gora darrai. Ejertzitoak bere bide orria jarraitzeko Anaia Musulmanei eman zien 48 orduko ultimatumaren ostean iritsi ziren liskarrak. Urriaren 6a kaleraino ailegatzen ziren manifestariak zenbait iturriren arabera, eta larunbat goizaldeko 01.30ak aldera, islamistek adierazi dutenez, poliziak inongo probokaziorik gabe eraso egin zien; lehenengo gas negar-eragileekin eta gero balekin. Ejertzitoak Násser etorbidean frankotiratzaileak zeuzkala adierazi dute manifestari islamistek. Poliziak beste bertsio bat eman du. Diotenez, protestan zebiltzanek balinezko pistolak zeuzkaten, eta eurek gas negar-eragilez bakarrik egin zieten aurre, ez zezaten Urriaren 6a kalea moztu.

Rabá al-Audawiya bilakatu da Morsiren aldekoen epizentro nagusietako bat, eta bertan kanpatuta jarraitzen dute milaka pertsonak, barrikaden atzean.


Kanal honetatik interesatuko zaizu: Egipto
Mizerinok eztabaida piztu du

Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]


Esfingea haizeak zizelkatu zuen

New Yorkeko Unibertsitateko ikerlari talde batek esperimentu bat egin  berri du, Gizako esfingearen materialak eta eraiki zuten garaiko baldintza klimatikoak imitatuz.


Sei Egunetako Gerra: ezpata esku batean, gezurra bestean

Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]


Gazan garbiketa etnikoa egiteko plana baztertu behar izan du Bidenek

Joe Bidenen agindupean, AEBetako gobernuak Gazan garbiketa etnikoa gauzatzeko planak egin zituen 2,3 milioi palestinar Egiptora bidaltzen saiatuta. "Biden presidentea beste herrialde batzuekin batera plana lantzen ari da, zibilek Gaza utzi eta Egiptorako muga segurtasunez... [+]


Esklabo, sultan eta gurutzaden garaile

Kairo, 1250eko maiatzaren 2a. Shajar Al-Durr Egiptoko sultan izendatu zuten. Ez zen emakumezko lehen sultana izan; urte batzuk lehenago, 1236an, Raziak Delhiko sultan kargua hartu zuen. Baina esklabo izatetik agintari gorena izatea lortu zuen lehena izan zen.


Eguneraketa berriak daude