Kaia, jaia eta iraultza alaia, aurtengo Donostiako Piraten aldarri

  • 'Kaia, jaia eta iraultza alaia' leloarekin emango diote ongi etorria Donostiako Piratek aurtengo Aste Nagusi Piratari, abuztuak 11tik 19ra bitartean. Hiru zutabe hauetan sustraituz, egitarau oparoarekin ospatuko ditu mugimenduak jai herrikoi, euskaldun eta askeak, txupinazotik hasita, irrikitaldiraino.

Topatu.eus @topatu_eus
2018ko abuztuaren 03a
Kaia, jaia eta iraultza alaia 

Leloaren bidez, jaiaren erdigunea den kaiko eremua aldarrikatu nahi dute Piratek. Izan ere, urtez urte kaia erabiltzeko jasan beharreko oztopoak gogora ekarri nahi ditu mugimenduak. Aurten, esaterako, udan zehar luzatuko diren lonjaren berrikuntza lanek jaigunea birplanteatzera bideratu ditu Piratak. 

Kontzertuetarako eszenatokia berdin mantendu arren, aurreko urteetan Lasta gunea gisa ezagututako eremuan txosna jarriko dute. Bertan eszenatoki txiki bat montatuko da ere. Hortaz, kontzertu eta txosnagune guzti hau izango da Flamenka Gunea, eta Lasta gunea desagertuko da. Aldaketa hauek segurtasun protokolo berria osatzera bideratu ditu Piratak. 

Gogoratu, lonjaren eraberritze lanak, Eusko Jaurlaritzak Donostiako udalarekin batera adostutako proiektu batean oinarritzen direla. 1,5 milioi euroko kostua daukan egitasmoak lonja hiru eremutan banatzea dauka helburu: arrantza jarduera, kirol portua eta baxurako arrantzaren balorazio zentroa. 

Obrak eta tasen ordainketa tarteko, Donostiako Piratek kaian jarraituko dutela adierazi nahi dute, jai giroa eta aldarrikapena uztartuz. Esaterako, Donostiako Piratek gogoz abordatuko dute Dono$tia, abuztuaren 13an, astelehenean. Dagoeneko parte-hartzaileek izena eman dezakete lotura honen bidez: www.donostiakopiratak.eus/abordatzea/izen-emateak/. Adi, hiru txanda baino ez direlako egongo baltsa montatzeko, 10:00tik 14:00ra bitartean. Horrez gain, berrikuntza gisa, abordatze eguneko bazkaria Flamenkan egingo da. Txartelak Trikuharri (Antiguo), Kata (Egia) eta Rekalde (Alde Zaharra) tabernetan salgai egongo dira eta abordatze egunean kaian bertan eskuratzeko aukera egongo da ere.

Feminismoa ala ezer ez 

Donostiako Piratek mezu irmoa adierazi nahi dute: argi utzi nahi dute jai gune aske bat eraiki nahi dutela eta sexu erasorik ez dela onartuko. Horren harira, mugimenduak Zirgari lantalde berriari eman dio ongietorria urtean zehar. Lantaldeak sexu erasoen aurkako protokoloaren lanketa sakondu eta egituratu du. Aurten ere salaketarako telefonoa aktibo egongo da Aste Nagusi osoan zehar: 664 164 408. Horrez gain, Puntu Morea estreinatuko da Flamenka gunetik gertu, gauero 23:30tatik 04:00tara. Eremu honek egon daitezkeen erasoei erantzun azkar bat ematea izango du helburu, erasotuari dagokion babesa eskainita. 

Bestalde, nabarmentzekoa da musika egitarauan urtez urte eramaten den emakumeen aldeko apostua. Horren adibide da aurtengoan hamabost taldeetatik hamaikatan emakumeon presentzia nabaria dela: Fan&Go, The Capaces, Skakeitan, Ezetaerre, Krii Kolektiboa, Mad Muasel, Niña Coyote eta Chico Tornado, Mice, Olatz Salvador, Serrulla, Belako. Zentzu horretan, Donostiako Piratek adierazi nahi dute Krii Kolektiboa Flamenka gunean programatzea sinbolikoki aurtengo erronka nagusietako bat izan dela. Izan ere, “Frances Be”, “Eddie Mae” eta “Les Alsborregach” DJ-ek osatzen duten Krii Kolektiboak musika elektronikoaren bitartez hiru ardatz lantzea dauka helburu: emakumeen segurtasuna eta askatasuna dantzalekuetan, musika elektronikoaren programazioa emakume perspektibatik eta emakumeak estilo horretan ahalduntzeko hezkuntza zein elkarbanatze saioak.

Hamabi kofradia, hamaika ekimen 

Musikaz harago, hainbat adierazpen kulturalek osatuko dute Donostiako Piraten egitarau oparoa, mugimendua osatzen duten hamabi kofradiek ekimen ugari prest dauzkatelako. Jaia lau haizetara zabalduko dute, Donostiako auzo ezberdinak jai giroan murgilduz. Ezin ahaztu ere, Trinitate enparantzan, gauero eskainiko diren afari goxoak, 21:00tik aurrera. Mikel Karton, Lur Korta, Kilimak, Physis Vs. Nomos eta Bi Zaldi, Sara Azurza, Ainhoa Larrañaga eta Iker Lauroba edota La Jodederak girotuko dituzte afaloste eder hauek. Hemen behean, Kofradia ezberdinek Aste Nagusira gerturatuko diren Piratei luzatutako mezuak daude irakurgai. 

AINGURA KOFRADIA: “Aurten BiziFesta izango da gure egitarauaren ekimen nagusia, Donostiako gune autogestionatu desberdinetatik igarotzen den bizikleta-martxa. Ibilbidean zehar aldarrikapena, musika, mozorroak, kontzertuak eta ekimen gehiagoz gozatzeko aukera egongo da. Txantxarreka gaztetxetik emango diogu hasiera abuztuaren 16an 17:00tan. Hartu zure bizikleta eta animatu!” 

ESKANDALOSA: “Urtero bezala, asteazkenean alde zaharra girotzen eta eskandalizatzen jarraituko dugu txaranga eta joko ezberdinekin, ESKANDALIZATU ekimenaren bidez. Anima zaitezte!!” 

ESKIFAIA: “Aurten Eskifaian urteroko Koadrila jolasez gain garrantzi berezia emango diogu ostiraleko Gazte Egunari: bazkaria, jolasak eta askoz gehiago!!” 

JARANERO: “Auzolanak elkartu dituen talde anitza gara. Taldekidentzat ‘dantza ta iraultza’ da terapiarik sakonena, eta horregatik aurten rantxerak, tequila eta mojitoak ez dira faltako!” 

KALEPOZA: “Dibertsioa, barre-algara, adarra jotzea, trufa edo denuntzia egiteko aukerarik aproposena izango da PLAYBACK LEHIAKETA!!!” 

KANTAURI: “Euskal kulturatik abiatuta baina gure ere badiren beste hamaika kulturarekin erlazionatuz eta ikasiz, koplajurik gabe giro goxoan ondo pasatzeko kofradia da gurea.” 

PIRATA BIHURRIAK: “Haurrak jaiaren erdigune bihurtzen ditugu, hauei ere Aste Pirata oparoa eskainiz. Haurren egunean indarra jartzeaz gain igandean Erromeri zoragarria antolatzen dugu familia guztiarentzat Urgullen. Izan bihurri, izan pirata!” 

UBARROIAK: “Ubarroiok pausu bat emango dugu aurten aurrera eta asteartean Groseko Piraton eguna ospatuko dugu. Desobedientzia, umorea, parte hartzea!” 

XELEBREAK: “Gure bigarren urte honetan, FESTARA ekitaldia sartu nahi izan dugu, gaueko 12:00 Ikatz Kalean, abestea gustatzen bazaizu etorri zaitezte !!!! Astearte eguerdian, Kalejira herrikoia izango dugu, dantzatzea eta abestea gustatzen zaizuenentzat.” 

TRAGANARRUA: «Traganarruak aurten ere estankea abordatzera goaz! Bazkaria, zuzeneko musika eta jolasak Intxaurrondon! Horrez gain, bizifestan eta kaleetan zehar inguruak girotzen ibiliko gara.»

 

Albiste hau topatu.eus-ek argitaratu du eta CC-by-sa lizentziari esker ekarri dugu ARGIAra.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Donostiako Piratak

Donostiako Piratak kanaletik interesatuko zaizu...
Altsasuko Gurasoek Donostiako Piraten txupinazoa botatzea galaraz dezala eskatu dio Covitek Udalari

Covite biktimen elkarte eskuindarrak Donostiako Udalari eskatu dio ez uzteko Donostiako Piraten txupinazoa Altsasuko Gurasoek botatzea, beren hitzetan "biktimentzat umiliazioa litzatekeelako". Ekinbide legalak har ditzaketela mehatxu egin dute.


2018-08-07 | ARGIA
Aste Nagusi Piratako egitaraua egunez egun eta kofradiaz kofradia

Hemen da 16. Aste Nagusi Pirata. Orotara dozenaka ekimen prestatu dituzte 12 kofradiaren artean. Egitarauarekin argitaratu duten liburuxka kontsulta dezakezu PDFan lotura honetan. Bestela jarraian egunez eguneko informazioa.


Altsasuko Gurasoek botako dute Donostiako Aste Nagusi Piratako txupinazoa

Donostiako Piratek jakinarazi dute nork botako duen aurten jaiei hasiera emateko txupinazoa: Altsasuko gazteen gurasoek. Larunbat honetan hasiko dira jaiak Gipuzkoako hiriburuan. 19:15ean Ezkila eta Mattiri ongi etorria egiten zaie kaian, eta ondoren, 19:30ean izango da txupinazoa kaiko Flamenka gunean.


2018-07-27 | Axier Lopez
Jai alternatiboen eredua ezbaian
Martxa ere borroka da

Frankismoaren ondoren, auzo elkarteen eskutik, jai herrikoiek eztanda egin zuten Euskal Herrian. Hortik garatu da txosna gunea oinarri duen eredua, herri mugimendu eta ezker abertzaleko antolakundeek sustatuta. 40 urtetan asko aldatu da egoera politiko eta soziala, baina hein berean aldatu al dira jai gune alternatiboak? Aro politiko berrian, aurreko garaietatik datozen inertziak ezbaian jartzen hasi dira eta jaiak ere ez dira salbu.


San Sebastian Pirates International Week
MULTIMEDIA - bideo herrikoia

"Donostiak urteak daramatza nazioartera begira. Looking to the world. Ez al gara ba, gu ere, mundu zabal eta anitz honetako hiritarrak? Donostiar citizens? Piratok aurten brainstorm sakona egin dugu gaiaren inguruan. Urte osoan eta udaran bereziki, Donostia turistaz beterik dago. Zer izango litzateke gure Aste Nagusi Pirataz kanpotik datozkigun lagun horiengatik izango ez balitz. Horregatik, erabaki garrantzitsu bat hartu dugu. Bye bye Donostiako Piratak. Welcome San Sebastian Pirates... [+]


2018-06-22 | Nahia Ibarzabal
Oholtza gaineko emakumezkoen protagonismoa indartu nahi dute Donostiako Piratek

Donostiako Piraten mugimenduak guztira hamabost kontzertu antolatu ditu Aste Nagusirako, Flamenka gune alternatiboan.


Euskaldunak aktibatzeko ekimena antolatzen ari bazarete gida hau irakurtzea komeni zaizue

Donostiako Bagera elkarteak informazio bilketa lana egin du. Batetik, hizkuntza ohituretan eragiteko hamar esperientzien berri jaso du, eta bestetik, halako zerbait egiteko gogoz direnentzat gida prestatu du.


2017-08-21 | Xalba Ramirez
Irrikitaldia 2017 kronika
Turismoa eta tasak, Piraten Irrikitaldiaren jo puntu

Beste urte batez, Donostiako Piratek festa antolatzaileak baina zerbait gehiago direla erakutsi dute. Kritika politiko irudimentsua egin diote Irrikitaldian Udalari eta dakarren hiri ereduari.


2017-08-11 | Markel Ormazabal
Turismoaren festak

Ez hain antzina, hiru mende atzera gehienera, kostako herri baten ur territorialak kanoi baten tiramenaren arabera zehazten ziren: jaurtigaia noraino heldu, lehorretik harainokoa izango zen ur territoriala. Lurraldearen zedarritzeko, ordea, kanoia baino hobea da festa, eta hain zuzen ere, kanoikada batek emango dio hasiera Donostiako abuztuko festari.


2017-08-10 | ARGIA
Sara Majarenas eta Izar etxera ekartzeko eskatuko dute Donostiako Piratek aurtengo txupinazoan

Ostegun arratsaldean Donostiako Piratek jakinarazi dutenez, Sara Majarenas eta Izar izango dira aurtengo Aste Nagusi Piratako txupinazoko protagonistak. Larunbatean ezingo dira Alde Zaharreko "La Flamenka" gunean egon, etxean preso baitaude Madrilen. Beren presentzia beste modu batera bermatuko dute jai herrikoien aldeko kideek.


Azkenak
EGILEA
Eguneraketa berriak daude