Juntsek dio Puigdemont izango dela bere hautagaia maiatzaren 12ko hauteskundeetan
Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken horrek dio, “hori desio duela”.
2021an izendatu zuten ERCko Pere Aragonés Generalitateko lehendakari, CUPekin eta Juntsekin akordio korapilatsua lortu ondoren (hiruen artean legebiltzarreko botoen %52 zuten). CUPek urtebete beranduago utzi zion gobernua sostengatzeari eta hilabete batzuk geroago, 2022an, Juntsek. Hortik aurrera ERC bere 33 eserlekurekin –135etik– bakarrik geratu zen gobernua sostengatzeko, eta En Comú eta PSCn bilatu zuen beharrezkoa zuen sostengua.
Hauteskunde aurrerapenaren azken txinparta Hard Rock proiektua izan da, Vila-seca eta Salouko udalerrietan eraiki nahi den makroproiektu turistikoa. Berez, ERC proiektu horren aurka dago, baina 2023ko aurrekontuak onartzeko PSCrekin lortutako akordioetan proiektuaren tramitazioarekin jarraitzeari ateak ireki zizkion. Orduan jada, En Comúk iragarri zuen, hori horrela izanda ez zuela sostengatuko ERC gehiago, eta aurtengo aurrekontuetan esana bete du.
Inkestei begiratuta, PSCren eta ERCren arteko lehia handia izango da, baina Puigdemontek azkenean Juntseko hautagai izateko aukera badu, irabazteko lehian egon liteke. Dena den, Kataluniako independentismoan giro oso nahasia dago eta ikusi beharko da horrek zer eragin duen hauteskundeetan.
Espainiako hauteskunde orokorretan argi ikusi zen alderdi independentisten aurkako zigor boto handia egon zela. Ikusi behar da, beraz, fenomeno horrek orain zer eragin duen. Dena den, beste alderdi independentista bat ere egongo da lehian, Clara Ponsatí Generalitateko kontseilari ohiak eta Jordi Graupera filosofoak alderdi berri baten sorrera iragarri baitute.
Horrez gain, ikusi beharko da ANCk azkenean bere zerrenda sortzen duen ala ez. Ostegun honetan bukatzen da egunotan bere bazkideen artean egiten ari den kontsulta, eta larunbatean iragarriko dute emaitza.
EAEko eta Kataluniako hauteskunde giroak, halaber, izan du lehen ondorioa Espainiako Gobernuan ere. Pedro Sánchez presidenteak iragarri du 2023ko aurrekontuak luzatuko dituela 2024rako, eta hasiko dela prestatzen 2025ekoak.
Cervera de la Marenda (Ipar Katalunia), 1906. Herriko emakume garraiatzaileak lan baldintza eskasen aurka altxa ziren. Espainiako eta Frantziako estatuetako trenbideen zabalera desberdinak eraginda, garraiatzaileek Mediterraneoko kostaldetik zetozen zitrikoak tren batzuetatik... [+]
Espainiako Gobernuaren estrategia politikoaren barruan mugitu du fitxa PSOEk: protagonista handirik gabeko irudi batekin jakinarazi dute akordioa, baina detaile gutxi emanda eta datarik ipini gabe.
Anstey (Ingalaterra), 1779. Leicesterren kanpoaldeko herriko ehungintza fabrika batean, ugazabak Ned Ludd izeneko aprendizari errieta eta jipoia eman zizkion, ehungailua gaizki erabiltzen ari omen zelako. Haserre, Luddek mailu bat hartu eta bi makina hondatu... [+]
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
Otzandu egin gara, katalanak eta euskaldunok, ekaitzaren ondoren. Saiatu ginen, bai; sendo ekin genion, eta gogor kolpatu gaituzte; ezin izan genien gure helburu zuzen, ezinbesteko, sakratuei eutsi. Eta porrotaren mingostasuna dastatu dugu, eta bigundu egin gara irabazleen... [+]
Directa hedabidearen ikerketa batek ondorioztatu du 2018. eta 2020. urteen artean murgildu zela Kataluniako Palestinaren aldeko eta ezker independentistaren mugimenduetan, "Belén Hammad" izenaren pean. Nortasun agiri faltsu batekin Kataluniako Gobernuak... [+]
Haur Hezkuntzatik hasi eta Derrigorrezko Bigarren Hezkuntza amaieraraino, ikastetxeetan mugikorra debekatzea du helburu Kataluniako Generalitateko Hezkuntza kontseilariak. 6 urtera arteko haurren ikasgeletan material teknologikorik ez egotea eta eskolen digitalizazioa aztertzea... [+]
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]