Jundizeko biokonpost plantako hobitik atera dute etxegabe bat, zabor edukiontzitik erori ondoren
Gasteizko Udalak jakinarazi duenez, asteazken goizaldean pertsona bat atera behar izan dute Jundizeko zabor hobitik, dirudienez, hondakin bilketarako kamioi baten barrutik erori ondoren. Edukiontzi batean lo zegoen etxegabea, egunotako hotzetik babesteko.
Gasteizko txoko askotan termometroak zeropetik errenditu ziren asteartetik asteazkenerako gauean. Goizaldeko 4:25ean udal garbiketa zerbitzuko kamioi gidari batek zabor deskarga berehala geldiarazi zuen, Jundizeko biokonpost plantako zabor hobira, hondakinak ez ezik pertsona bat ere bota zuela ikusita. Berehala deitu zieten larrialdi zerbitzuei, eta erreskatatua izan ondoren, ospitalera eraman zuten, zango batean zauriak zituela.
Gasteizko Udalak azaldu duenez, 21 urteko gizonezkoak ez zuen dokumentaziorik soinean. Dirudienez, janaria bilatzen ari zela, hiriko edukiontzietako batean gaua pasatzea erabaki zuen etxegabeak, egunotako hotzetik babesteko, kamioiak oharkabean harrapatu duen arte.
Negu gogor honetan oso agerian geratzen ari da etxegabeek bizi duten egoera, hotzak eraginda babesa aurkitu behar izaten dute ahal tokian. Joan den urtarrilaren 7an 56 urteko gizonezko bat hilik aurkitu zuten auto baten barruan Hendaian, udaltzainen arabera litekeena da gaua pasatzen egon eta bihotz-geldialdia eduki izana hotzaren eraginez. Abenduaren 25ean, bestalde, Zarautzen beste pertsona bat hilik agertu zen parke batean, gau hartan egin zuen eguraldi traketsaren erdian.
Kalea bilakatu da espazio publiko. Ezarri zaio ordena diseinuaren, arauen eta zaintzaren bitartez. Higienismo garaikidea aztertu dugu Bilboko errealitatea ardatz hartuta.
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]
Maiatzaren 20an indarrean sartuko da Espainiako Atzerritarren Legearen erreforma berria. Loueila Sid Ahmed Ndiaye sahararrak (Tinduf, Aljeria, 1990) egunero ikusten du lege horrek pertsona migratzaileen bizitzetan duen eragina. 1999an iritsi zen Kanaria uharteetara Saharatik,... [+]
Bazterkeria egoeran dauden pertsonen elikadura beharrei erantzuteko, Paris 365 jantoki solidarioa martxan jarri zuten Iruñean, 2009an. Ordutik, euro baten truke egunero hiru otordu bero ematen dituzte. Urtarrilaren 27an iragarri zuten aurrez aurreko afariak emateari... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]