Juan Carlos Espainiako erregeak Suitzan “azpiegitura bat sortzea” agindu zuen, Saudi Arabiako dirua ezkutatzeko
Juan Carlos I.a Espainiako errege emerituaren ustezko testaferroak, Dante Canónica abokatuak, Suitzako fiskalaren aurrean deklaratu du. Bere esanetan, Borboikoak 2008an Zarzuelan bertan agindu zion Saudi Arabiatik “diru-ekarpen garrantzitsu bat” jasotzeko prestaketekin hasteko.
Espainiako errege-ohiak Saudi Arabiako Meka hirira doan AHTko eraikuntza lanak merkatzeko egindako azpilanengatik jasotako ustezko komisioen afera ari da ikertzen Suitzako justizia; eta gero eta argiago ari da geratzen Juan Carlos Borboi guztiz inplikatuta zegoela agintari saudiarabiarren diru-ekarpen hori ezkutatzeko operazioan.
Dante Canónica abokatuak deklaratu du fiskalaren aurrean, eta El Español atariak deklarazioaren edukiak filtratu ditu. Canónicaren esanetan, 2008an bildu zen Arturo Fasanarekin eta monarkarekin, azken honek zituen asmoak ezagutzeko. Borboikoak azaldu zien diru kopuru garrantzitsu bat jasoko zuela Saudi Arabiatik, eta milioi horiek gordetzeko “azpiegitura bat sortzea” agindu zien. Canónicak deklarazioan azaldu duenez, espainiar erregeari adierazi zion azpiegitura horrek “erabat gardena” izan behar zuela.
Nolanahi ere, auzia ikertzen ari den Yves Bertossa fiskalarentzat oso zalantzagarria da "gardentasun" hori. Bere ustez, Juan Carlos Borboik Fasana eta Canónica erabili zituen testaferro eta kolaboratzaile bezala –Saudi Arabiako enbaxadorearekin birritan bildu ziren AEBetan–, Mekako AHTren komisioak jasotzeko, zehazki 100 milioi dolar, Mirabaud bankuko kontu batean gordeak.
Kontu hori Panaman berariaz sorturiko Lucum offshore fundazioaren izenean zegoen, eta hortik atera zituzten urte batzuetara, 2012an, Corinna Larsen erregearen bikotekide ohiarentzako 65 milioi dolar; baina aristokrataren hitzetan "opari" hori ez zion egin diru beltza gainetik kentzeko –Suitzak urte horretan zuriketa legeak gogortu zituen–, baizik eta “esker ona eta maitasunagatik”.
Lucum fundazioaren onuradun nagusia Juan Carlos I.a zen, eta bigarren onuradun bezala ageri da haren oinordeko Felipe Borboi, egungo Espainiako erregea. The Telegraph egunkariak martxoaren 14an eman zuen horren berri, baina Zarzuelako errege-etxeak aitortu du gutxienez duela urtebetetik zekiela Felipe VI.ak detaile hori.
Espainiako Gobernuak Alarma Egoera ezarri eta egun berean iragarri zuen Felipe Borboik uko egin ziola aitaren herentzia pertsonalari. Ez du zehaztu herentziaren zenbatekoa, ezta haren jatorria zein den ere.
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera du Directa hedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Parte Zaharrean Bizi auzo elkarteak irregulartasunak salatu ditu Parte Zaharreko lizentzia askoren harira, baita salatu ere "onuraduna" ostalaritza dela "beti". Azalpenak eta ardurak eskatu dituzte.