Jose Ignacio Asensio ikerketapean dago, ingurumenaren aurkako ustezko delitu batengatik
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Jose Ignacio Asensio PSE-EEko kide eta Gipuzkoako Foru Aldundiko Iraunkortasuneko sailburua, gaur egun Gipuzkoako Hondakinen Kontsortzioko presidente ere badena, ikertzen ari dira ingurumenaren aurkako delitua egin duen ala ez ebazteko, eta horrez gain, dokumentuak faltsutu ote dituen ere argitzeko eskatu dio Gipuzkoako Fiskaltzak Donostiako Instrukzioko 5. zenbakiko epaitegiari. Asensio ez ezik, GHKko zuzendari teknikoa eta beste bi arduradun ere ikertzen ari dira kasu horretan.
GuraSOSek ekainean aurkeztutako idazki batean du jatorria Fiskaltzaren mugimendu horrek, elkarteak berak jakitera eman duenez. Dokumentuaren arabera, Zubietako hondakinen balorazio energetikorako plantak "hondakin arriskutsuak" sortu zituen 2022an, eta legediak ez du halakorik baimentzen. GuraSOSek ekainean salatu zuenez, ingurumena zaintzeko programaren memorian sartu behar ziren gertakizun horiek, baina ekintza hori "ezkutatzeko" asmoz, "hondakin kode" eta "kontzeptu oker" bana eman ziren, "modu kontzientean".
Horrez gain, hondakin arriskutsu horien parte bat Artaxoara bideratu zuen GHK-k, hango Encofert Sansoain enpresak tratatu zezan. GuraSOSek salatu eta Fiskaltzak bere egin dituen arrazoien arabera, enpresa horrek ez du hondakin arriskutsuak kudeatzeko baimenik.
Lakuara irits daiteke
Eusko Jaurlaritzako Ingurumen Sailburuordetza ere zipriztindu dezake auziak. Izan ere, hondakinen lekualdatze guztiak Lakuari jakinarazi behar zaizkio, baita haien kudeaketari eta garraiori buruzko notizia guztiak ere. Horrela balitz, fiskaltzak ohartarazi du Lakuak espedientea zabaldu behar zukeela ingurumen baimen bateratua ez betetzeagatik.
Fiskalaren arabera, baina, goizegi da ondorioztatzeko Jaurlaritzaren Ingurumen Sailburuordetzak deliturik egin ote zuen ala ez. Hori argitzeko "polizia ikerketa abiatzea" iradoki du, "susmoak" badaudelako.
Urriaren 17an, Legebiltzarraren bisita Zubietara
Eusko Legebiltzarreko kideen ordezkaritza batek Zubietako erraustegiaren instalazioak ikuskatzeko bisita egingo du asteartean, urriaren 17an. Gaia pil-pilean dago; azken boladan ugaritu egin dira oposizioaren galderak eta agerraldi eskaerak gaiarekiko.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]