Jone Uria Donostian eta Aitor Bizkarra Lizarran nagusituta, erabaki da zein bertsolari arituko diren finalaurrekoetan
Urriaren 8 eta 9ko asteburuan jokatu dira lehen faseko azken bi saioak, Donostian eta Lizarran. Jone Uriak lortu ditu puntu gehien Donostiako saioan eta horregatik, zuzenean sailkatu da finalaurrekoetarako. Berdin egin du Aitor Bizkarrak Lizarrako saioan. Dagoeneko lehen faseko saio guztiak jokatuta, ezagutu da zein bertsolari arituko diren finalaurrekoetan: 14 gizon eta 10 emakume arituko dira eta lurraldetasuna aintzat hartuta, Gipuzkoako 12, Bizkaiko 5, Iparraldeko 4 eta Nafarroako 3.
888 lagunek betetako Victoria Eugenia aretoan kantatu zuten urriaren 8an sei bertsolari hauek, eta hona saioaren ostean bakoitzak bildutako puntu kopurua: Jone Uria (706 puntu), Onintza Enbeita (688 puntu), Aitor Etxebarriazarraga (682,5 puntu), Maddalen Arzallus (678 puntu), Eñaut Martikorena (674,5 puntu) eta Beñat Iguaran (659 puntu).
Igandean lehen aldiz jokatu zen Txapelketa Nagusiko saio bat Lizarran. Bertan aritu ziren bertsolariak, eta bakoitzak eskuratutako puntuaketa: Aitor Bizkarra (693,5 puntu), Asier Azpiroz (666 puntu), Maialen Akizu (658,5 puntu), Imanol Uria (652 puntu), Unai Gaztelumendi (630,5 puntu) eta Iñigo Mantzizidor ‘Mantxi’ (622,5 puntu).
Finalaurrekoetan arituko diren bertsolariak
Sailkapen taulan ikus daitekeenez, Iñaki Apalategi izan da finalaurrekoetara sartzeko langa ezarri duena, 664 punturekin.
Lehen faseko sei saioetan lehenengo postuan egin zutelako zuzenean sailkatu diren sei bertsolariak dira Alaia Martin (738 puntu), Nerea Ibarzabal (738 puntu), Jone Uria (706 puntu), Haritz Mujika (695,5 puntu), Aitor Bizkarra (693 puntu) eta Joanes Illarregi (678 puntu).
Hauekin batera, puntuaketen arabera finalaurrekoetara sailkatu diren 13 bertsolariak dira: Oihana Iguaran (737,5 puntu), Nerea Elustondo (695 puntu), Ane Labaka (694,5 puntu), Julio Soto (691 puntu), Onintza Enbeita (688 puntu), Agin Laburu (685 puntu), Aitor Etxebarriazarraga (682,5 puntu), Maddalen Arzallus (678 puntu), Eñaut Martikorena (674,5 puntu), Saioa Alkaiza (673 puntu), Miren Artetxe (670 puntu), Asier Azpiroz (666 puntu) eta Iñaki Apalategi (664 puntu).
Finalaurrekoetan zain dituzte aurreko txapelketako finalean aritu ziren Amets Arzallus, Sustrai Colina, Aitor Mendiluze, Beñat Gaztelumendi eta Unai Agirre.
Finalaurrekoetatik finalera pasatzeko saiakera nolakoa izango da?
Finalaurrekoetan berriz ere hutsean jarriko dira markagailuak. Sei bertsolariko 4 saio egingo dira, hauexek hain justu:
Finalaurreko lehen itzulian kantatuko duten 24 bertsolari hauetatik, puntu gehien eskuratzen dituzten 12 bertsolariak finalaurrekoetako bigarren itzulira sailkatuko dira. Hauek beste saio banatan kantatuko dute, eta finalaurrekoetako bi saioetan lortzen dituzten puntuak gehitu egingo dira. Batura horretatik aterako da finalean Maialen Lujanbiorekin batera arituko diren zazpi bertsolarien zerrenda.
Finalaurrekoetan 14 gizon eta 10 emakume arituko dira eta lurraldetasuna aintzat hartuta, Gipuzkoako 12, Bizkaiko 5, Iparraldeko 4 eta Nafarroako 3.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]