Bertsolari Txapelketa Nagusiko finalerako sarrerek badituzte irabazleak
BTN bideo-podkastean martxan jarri genuen #BTNaturala lehiaketa Nafarroa Arenako finalerako sarrerak eskuratzeko. Astero legez, jogurta janez sare sozialetara argazkiak igotzea zen gakoa, oraingoan, jogurta beste zerbaitekin nahastuta janez. Bi aste hauetan argazki mordoa jaso ditugu eta horietatik lauk eskuratu dituzte Iruñerako sarrera bikoitzak.
Astero zozkatzen ditugu BTN bideo-podkastean hurrengo saiorako sarrerak, eta oraingoan finalekoen txanda izan da. Lehiaketaren oinarria bera izan da: argazki bat bidaltzeko eskatu dizuegu, baina oraingoan finalean jogurta zerekin jango duzuen erakutsi behar izan duzue; eta hori gutxi balitz, argazkiak ‘influencer’ kutsua izan eta sare sozialetara igotzeko erronka jarri genizuen.
Bi aste hauetan zehar argazki asko jaso ditugu, zein baino zein originalagoak, eta ez da erraza izan epaimahaiaren lana. Baina ongi pentsatu ostean, hiru argazki hauek eta ondorengo bideoa dira sarrerak eskuratu dituztenak.
Hizki zopa bero bat ondo sartzen da neguan, eta #bertsojogurta ere bai txapelketan. Zein izango da 8 bertsolarietan goxuena? Finalean jakingo dugu! #BTNaturala | @argia pic.twitter.com/ZutAAucTif
— Laura V-P (@lvplo) December 9, 2022
Hortxe gure igandeko menua! @argia #BTNaturala pic.twitter.com/ZRHWF7zTr1
— Aiora (@AioraFI) December 13, 2022
Attak sarrerak nahi bino sare sozialik ez... Hementxe bere parte hartzia
— Hiartibarguren (@hiartibarguren) December 13, 2022
Egilea: Aitor Ibarguren@argia #BTNaturala pic.twitter.com/6V8x7dlB0n
@argia ta #BTNaturala:
— Marta De Pedis (@MartaDePedis) December 8, 2022
hementxe bertso kaxkarra.
Urrun-urrundik etorria naiz:
Gasteizko erromatarra.
Lehenbiziko finala dut hau,
nire aukera bakarra!
Erantzutera natorkizue
jogurtaren deiadarra! pic.twitter.com/YJ4w0XtQmQ
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]